1. სახელგანთქმული ამერიკელი რეპერი, პროდიუსერი და მსახიობი – მარშალ ბრიუს მეზერსი, იგივე – ემინემი, ღრმად მორწმუნე ბაპტისტია.

1. ხმელთაშუა ზღვაში მდებარე ფრანგულ კუნძულ კორსიკაზე,სადაც ნაპოლეონ I მოევლინა ქვეყნიერებას და სადაც დამკვიდებული გახლდათ სისხლის აღების ტრადიცია,სპეციალურად ვენდეტისათვის ამზადებდნენ ბასრ დანებს,წარწერით: “დაე,ყოველი შენი ჭრილობა სასიკვდილო იყოს.

1. იოსებ სტალინმა 1924 წლის 21 იანვარს,საბჭოთა პროლეტარიატის ბელადის – ლენინის კუბოსთან დაიფიცა,რომ იგი კიდევ უფრო განამტკიცებდა საბჭოთა ხელისუფლების ძლიერებას,რაც ქვეყანაში განხორციელებული უსასტიკესი ტერორის შედეგად აღასრულა კიდეც.

1. თანამედროვე კომუნიზმის ერთ-ერთი გერმანელი ფუძემდებელი,ფილოსოფოსი და პოლიტიკური თეორიტიკოსი – კარლ მარქსი,წიგნებს – “საკუთარ მონებს” უწოდებდა.

1. რომის იმპერატორი 361-363 წლებში – იულიანე განდგომილი,რომელიც განუდგა ქრისტიანულ რელიგიას და ეცადა რომაული ტრადიციული რელიგიის აღორძინებას,ქრისტიანობას – “მკვდრებისა და კუბოების რელიგიას” უწოდებდა.

1. ამერიკის შეერთებული შტატების პირველი პრეზიდენტი,რომელიც ოფიციალური ვიზიტით ეწვია სხვა ქვეყანას,გახლდათ აშშ-ის რიგით 26-ე პრეზედენტი – თეოდორ რუზველტი.იგი,ცენტრალური ამერიკის უკიდურეს სამხრეთ ნაწილში მდებარე პანამის რესპუბლიკას,ოფიციალური ვიზიტით 1906 წლის 9 ნოემბერს ეწვია.

1. ძველი რომაელები,რომლებიც ტრადიციულ სამოსს – ტუნიკს ატარებდნენ,შარვალს ბარბაროსების ტანისამოსად მიიჩნევდნენ და შესაბამისად,შარვლის ჩაცმა მათთვის უხამსობასთან ასოცირდებოდა.გალიას,სადაც მამაკაცები შარვლებით იმოსებდოდნენ,დაცინვით მოიხსენიებდნენ როგორც – “გალია შარვალში”.

1. ისტორიული დოკუმენტების თანახმად – მევახშეობა,ანუ ფულის სესხის პროცენტის სახით გაცემა ჯერ კიდევ ძვ.წ.აღ-ით VIII საუკუნის ბაბილონში არსებობდა.ცნობისათვის,პირველი დაწესებულებები,სადაც ადამიანები თავინთ ფულს ინახავდნენ,სხვადასხვა ღმერთების სახელებზე აგებული ტაძრები იყო.მაგალითად,ძველი ბერძნები თავიანთ დანაზოგს აკროპოლისის ტერიტორიაზე აგებულ ტაძრებში ინახავდნენ.

1. გენიალური ძველბერძენი ისტორიკოსი და “ისტორიის მამად” წოდებული – ჰეროდოტე,ლამაზ ქალებს – “თვალების სატანჯველს” უწოდებდა.

1. ცნობილი ამერიკელი ბიზნესმენი და პირველი მილიარდერი – ჯონ დევისონ როკფელერი,ერთობ მორწმუნე ბაპტისტი გახლდათ და მუდმივადაც სწირავდა ბაპტისტურ ეკელესიას საკმაოდ დიდ თანხებს.აღნიშნული ქმედებების გამო,როკფელერს უახლოესი პარტნიორები – “დიაკვანს” უწოდებდნენ.