1. წყნარ ოკეანეში არსებული კუნძულოვანი სახელმწიფო – კირიბატის რესპუბლიკა, ერთადერთი ქვეყანაა დედამიწაზე, რომელიც ჩვენი პლანეტის ოთხივე ნახევრსფეროშია ერთდროულად განთავსებული. - (ავტორი გენია.ჯი)

* * *

2. როგორც ზემოთ ავღნიშნეთ, კირიბატის რესპუბლიკა კუნძულოვანი სახელმწიფოა. მისი ტერიტორია 33 ატოლს ანუ 33 მარჯნის კუნძულს მოიცავს, რომელთაგანც 20 დაუსახლებელია. ის კი არადა, ქვეყნის დედაქალაქი – სამხრეთი ტარავაც კი (50 182 მოსახლით), რამდენიმე პატარა კუნძულზეა გაშენებული.

* * *

3. მიუხედავად მცირე ტერიტორიისა (საერთო ფართობი 812 კვადრატული კილომეტრი), ამ გასაოცარი ქვეყნის შემადგენლობაში შედის ყველაზე დიდი მარჯნის კუნძული მსოფლიოში, სახელწოდებით – „კირიტიმატი”, იგივე – „შობის კუნძული”. ცნობისათვის, აღნიშნული კუნძული სახელოვანმა ინგლისელმა მეზღვაურმა და მკვლევარმა – ჯეიმზ კუკმა აღმოაჩინა 1777 წლის ქრისტეშობა დღეს.

* * *

4. საყურადღებოა ის ფაქტიც, რომ ჩვენს პლანეტაზე „ახალი წელი” კირიბატის რესპუბლიკის შემადგენლობაში არსებულ „შობის კუნძულზე” დგება ყოველთვის პირველად.

* * *

5. გაგიკვირდებათ და, კირიბატის ტერიტორიაზე განთავსებულია ისეთი ცნობილი სახელწოდების მქონე დასახლებული პუნქტები, როგორებიცაა – პარიზი და ლონდონი. გარდა ამისა, იქვე ერთ-ერთ დასახლებულ პუნქტს – პოლონეთიც კი ჰქვია. თუმცა სამივე მათგანი პატარა სოფლებს წარმოადგენენ და არც ქალაქებთან აქვთ რაიმე საერთო და მით უმეტეს, არც სახელმწიფოებთან. – (ავტორი გენია.ჯი)

* * *

6. ქვეყნის ყველაზე მაღალი წერტილის სიმაღლე – 81 მეტრია ზღვის დონიდან და იგი კუნძულ ბანაბაზეა განთავსებული.

* * *

7. ნიშანდობლივია, რომ კირიბატის რესპუბლიკა გახლავთ ის ქვეყანა, რომელსაც ყველაზე ნაკლებად სტუმრობენ ტურისტები მსოფლიოს მასშტაბით.

* * *

8. კირიბატის რესპუბლიკის ტერიტორიაზე არც ერთი მდინარე არ მიედინება.

* * *

9. კირიბატის რესპუბლიკამ დამოუკიდებლობა ბრიტანელებისაგან 1979 წელს მოიპოვა.

* * *

10. ქვეყანას ერთადერთი ოფიციალური დიპლომატიური წარმომადგენლობა გააჩნია და ისიც წყნარი ოკეანის აუზში არსებულ ფიჯის რესპუბლიკაში. სხვა სახელმწიფოებში კირიბატის დიპლომატიური საქმეებით გაერთიანებული სამეფოს საკონსულოები არიან დაკავებულნი. – (ავტორი გენია.ჯი)

სამხრეთი ტარავა (კირიბატის დედაქალაქი)

შობის კუნძული