„როცა ნაგაზები ჩხუბობენ, ფინია განზე უნდა იდგეს”.

„ – ეგრეა, შვილო, რასაც პატრონი არა ჰყავს, ყველას ხელწამოსაკრავი ხდება ხოლმე”.

„ახლა ადამიანი თვითონ გაეშმაკდა”.

„ჯერ მე კაცი არ მეგულება, რომ შეცდომა არ ჰქონდეს. მაგრამ შეცდომა ერთია, მისი აღიარება მეორე, გამოსწორება კი მესამე.

„როცა ადამიანებს ერთმანეთის სიყვარული და პატივისცემა აქვთ, მაშინ ზოგჯერ ცხრაც კი ათია”.

„საკუთარ თავზე მაშინ უნდა იზრუნოს კაცმა, როცა სხვა საფიქრალი აღარ დარჩენია”.

„ძალა-უფლება დიდი საცდური რამ არი. თუ ძალა-უფლება გაქვს, ყველაფერი ხარ. იტყვი: ეს ნეზვი კი არა, ფაშატიაო და მაშინვე ზოგი ნალ-ყაირს მოარბენინებს, ზოგი ლაგამ-უნაგირს და ზოგიც ჯაგარზე დაუსვამს ხელს: „აუ, რა ფაფარი აქვსო”. – აი, ეგეთია ძალა-უფლება”.

„ – ყოველთვის გახსოვდეს ერთი სიბრძნე: ეშვები დამალე, სანამ დაუძვრიათ. ეცადე, ყველას თეთრი კბილი უჩვენო”.

„თუ რამის თქმა გინდა, ჯერ უნდა იცოდე, გიგდებენ თუ არა ყურს და მერე ილაპარაკო”.

„ლომს თუ დასჭირდა, ღრიალზე მეტად ქუხილი ემარჯვება”.