„მტერს ნება არ უნდა მისცე კარის ზღუბლს გადმოაბიჯოს. თუნდაც შენთვის უბეში ღმერთი ჰყავდეს”…

„კაცის გული ფუჭი ხორცის ნაჭერია, თუ შიგ ან დარდი ან სიხარული არ ბუდობს”.

„შხამისა და ბოროტების თესლმა ხშირად რამდენიმე შავ-მოსავალი იცის… ერთხელ მაშინვე, მერმე კი ბოროტის ნათესი და ნაგესლი საბოლოოდ რომ გამოჩნდება და გამომწიფდება…”

„რაც უფრო მცირეა ერი, მით უფრო დიდია მისი შეგნებული შვილის დარდი! მოვალეობაც!”

„ადრე დამწიფებული არასოდეს ყოფილა ბოლომდე დამწიფებული!”

„ – იცოდე, ახლაც არიან პირველყოფილი ადამიანები, თუმცა შეიძლება ახალმოდურადაც აცვიათ და შესანიშნავ მანქანებსაც დააქროლებენ!”

„ – ცხოვრება სწორი თვალსაზრისია – ზოგი სველს ეძებს და მშრალზე რჩება, ზოგი – მშრალსა და, სველში კი ზის!”

„დაგვიანებული ახალგაზრდა დაგვიანებულ მოხუცზე უფრო დაგვიანებულია!”

„გულწრფელობა ხშირად ზედმეტს ათქმევინებს ადამიანს!”

„დიდი გმირობა ყოფილა, თავის სიჩუმეს რომ მოერევა ვინმე!”