Tag Archives: იცით თუ არა

იცით თუ არა,რომ

1. გენიალურმა ქართველმა მოცეკვავემ და საქართველოს ხალხური ცეკვის სახელმწიფო აკადემიური ანსამბლის (“სუხიშვილები”) დამფუძნებელმა – ილიკო სუხიშვილმა,სიკვდილის წინ თავის ერთადერთ ვაჟს,თენგიზს დაუბარა: “ყველაფერი გააკეთე,რომ ჩვენი აფიშა კედლიდან არ გაქრეს”.

იცით თუ არა,რომ

1. გენიალური იტალიელი ფიზიკოსი,ასტრონომი და ფილოსოფოსი – გალილეო გალიელი (1564-1642 წლები),გარდაცვალებამდე მცირეოდენი ხნით ადრე დაბრმავდა.მისი დაბრმავების ერთ-ერთი უმთავრესი მიზეზი,გალილეოსვე მიერ შექმნილი ტელესკოპით მზეზე ხშირი დაკვირვება გახლდათ.

იცით თუ არა,რომ

1. დიდი ფრანგი მწერალი – ალექსანდრე დიუმა (უფროსი),ქართველების შესახებ წერდა: “მე არაფერს ვლაპარაკობ ქართველებზე,რომელთაც საქართველოს გარეშე ვერსად ნახავთ და რომელნიც იმდენად საუცხოო,კეთილი,პატიოსანი,გულუხვი და შემართებული ერია,რომ მას სპეციალური გამოკვლევა უნდა მიეძღვნას”.

იცით თუ არა,რომ

1.  ყველაზე გრძელი და უწყვეტი გზა მსოფლიოში – “პანამერიკანული შოსეა”,რომელიც 14 ქვეყნის ტერიტორიაზეა გადაჭიმული და მისი საერთო სიგრძე 47 958 კილომეტრს შეადგენს.

იცით თუ არა,რომ

1.  ებრაული წარმომავლობის მქონე გენიალური ავსტრიელი მწერალი – შტეფან ცვაიგი,ნაციზმის შესახებ წერდა: “სწორედ მან მოწამლა ჩვენი ევროპული კულტურა.თავად გავხდი იმის მოწმე,როგორ გადაიქცა ჰუმანურობა ველურობად,რომლის მსგავსიც ჯერ არავის უნახავს,ეს იყო წინასწარგანზრახული ბოროტება,ანტიჰუმანურობიდან რომ იღებდა სათავეს”.

იცით თუ არა,რომ

1. სტალინს,განსაკუთრებით ორი ნაწარმოები ხიბლავდა: ნიკოლო მაკიაველის – “მმართველი” და გენიალური ფრანგი მწერლის – ალექსანდრე დიუმას რომანი – “გრაფი მონტე კრისტო”.როგორც ცნობილია,სტალინი იმ წიგნების ფურცლებზე,რომელთაც წაიკითხავდა,გარკვეული სახის შენიშვნებს აკეთებდა.”გრაფი მონტე კრისტოს” ბოლო გვერდზე,მას შემდეგი სახის შენიშვნა ჰქონდა გაკეთებული: “დიდებული ნაწარმოებია,თუმცა,დანტესს მეტი სისასტიკე მართებდა”.

იცით თუ არა,რომ

1. ძველმა ელინელმა მოსამართლეებმა,სპარტელები,რომელთაც ოლიმპიადის დროს მშვიდობა დაარღვიეს,ოლიმპიურ თამაშებს ჩამოაცილეს.

იცით თუ არა,რომ

1. მას შემდეგ,რაც 1919 წლის 21 თებერვალს,დიდმა ქართველმა ისტორიკოსმა და საზოგადო მოღვაწემ – ივანე ჯავახიშვილმა,გენიალური ქართველი კომპოზიტორის – ზაქარია ფალიაშვილის ოპერის – “აბესალომ და ეთერის” პრემიერა იხილა,აღტაცებულმა ისტორიკოსმა კომპოზიტორს უთხრა: “ეს მარტო თქვენი გამარჯვება კი არა,მთელი ქართველი ხალხის გამარჯვებააო”.

იცით თუ არა,რომ

1. ჩინეთის სახალხო რესპუბლიკის ლიდერი და ჩინური კომუნიზმის ფუძემდებელი - მაო ძე დუნი კბილებს არასოდეს იხეხდა.იგი ამ საკითხის ირგვლივ ამბობდა:  ”ვეფხვები როდის იყო კბილებს იხეხავდნენო”.

იცით თუ არა,რომ

1. ”ტურინის სუდარას” – (ქრისტეს სუდარა),რომელიც დაცულია ტურინის საკათედრო ტაძარში,ოცი წლის განმავლობაში შეისწავლიდა,საყოველთაოდ ცნობილი ესპანელი ექიმი და ექსპერტი – მანუელ გარსია ველასკესი,რომლის დასკვნის თანახმადაც,მაცხოვარს  სხეულზე,სულ მცირე,ექვსასი სხვადასხვა დაზიანება და სისხლდენა აღენიშნებოდა.