„ყველა ადამიანს თავისი სულიერი ტრაგედია აქვს გადატანილი”.

„სიკეთე საჭიროებით? არ ვიცი, ეს რა სიკეთეა!”

„ყველა თავისებურად სულელდება”.

„ახალგაზრდობა ახალ, ჩვენ დროს არარსებულ კერპებს სცემს თაყვანს და უკვე აშკარად ჩანს გზა, რომელსაც ჩვენს შემდეგ მოსულები დაადგებიან.

„ – ოთხმოცდაათი პროცენტი ადამიანებისა უგუნურია!.. დანარჩენები, ყველაზე მცირე პროცენტი, რომლებზედაც ამბობენ, გიჟები არიანო, შეურაცხადები, არაამქვეყნიურნი, უფრო ჰგვანან ნორმალურ ადამიანებს”.

„ზოგჯერ ერთი შეხედვით უბრალო სიტყვასა თუ ვითარებას იმდენი თანმავალი აზრი ან ორაზროვნება ახლავს, რომ მის გარკვევას მთელი ცხოვრება სჭირდება…”

„ერთადერთხელ ემსგავსება ადამიანი მაცხოვარს – მხოლოდ სულის ხორცთან გაყრის ჟამს”. – (შენდობა)

„თუ სიკვდილი ერთხელ მაინც არ განგიცდია, უფლება არა გაქვს ვინმეს სიცოცხლე სიკვდილით დაამთავრო”. – (ჩვენება)