„არიან ადამიანები, რომელთაც სამოსი მხოლოდ ტანის სიშიშვლის დასაფარავი ჰგონიათ! მათ რა იციან, რომ ზოგი სწორედ ჩაცმით „შიშვლდება!” თავის სულიერ სიღატაკეს ამჟღავნებს”.

„ყოველგვარი საუბარი, კამათი, პოლემიკა იმავე წუთს კარგავს აზრს, რა წუთსაც მოკამათენი გადიან საკამათო სფეროდან და ერთმანეთის პიროვნულ წყენინებას ერთგვარი არგუმენტაციის დატვირთვას აძლევენ”.

„არავინ ებრძვის საკუთარ თავს და ხალხისთვის თავდადებულ ადამიანებს ისე სიამოვნებით, როგორც თვითონ ხალხი”.

„ჩვენ იმ ადამიანებზეც კი ძალზე ცოტა რამ ვიცით, ვისაც ახლოს ვიცნობთ”.

„ქვეყნის მთავარ სატკივარს დღემდე ვერავინ უშველა: ხალხს კუჭი ვერ ამოუძღო”. 

„მოუფრთხილდით თქვენში ადამიანს”.

„იმაზე ეშმაკური არაფერია, კაცი რომ საკუთარ თავს თამაშობ”.

„არ არსებობს იმაზე დიდი სიყვარული, უფალს რომ ვუყვარვართ”.

„ამქვეყნად მზეც კი არ ანათებს ყველას საკეთილდღეოდ!”

„ადამიანი ყოველთვის ლამობს ბედის გულისმოგებას”.