„იმათ, ვინც სიკვდილს თესავენ, მის შესახებ არასოდეს არაფერი უწყიან”.

„ – შემწყნარებლობა, აი, რა აკლიათ ადამიანებს, ასე არ არის?”

„ – საოცარია, რაოდენ იოლად ელევა ადამიანი იმას, რასაც ჯერ კიდევ გუშინ გვეგონა, რომ ვერასოდეს განვშორდებოდით”.

„კარგი აზრი ყოველთვის მაშინ მოგდის კაცს თავში, როდესაც უკვე გვიან არის”.

„რა უცნაურია: ადამიანები ჭეშმარიტად ცოცხალ და ხატოვან გამოთქმებს გინების დროს გამონახავენ ხოლმე, სასიყვარულო სიტყვები მარადიულნი და შეუცვლელნი რჩებიან. მაგრამ რაოდენ ჭრელი და მრავალფეროვანია ბილწსიტყვაობა!”

„თავდაპირველი ის არის, რომ გულთან ახლოს არაფერი მიიკარო, რასაც მიიკარებ, მიიღებ, მის შენარჩუნებასაც ეცდები. შენარჩუნება კი არაფრისა არ შეიძლება”.

„ასეა მუდამ, ყველაზე გაცვეთილი ბიჭები ისეთ ხაფანგში გაებმებიან ხოლმე, რომელიც ბავშვებმაც კი იციან!”

„საუკუნეების მანძილზე კაცობრიობამ ხელოვნების უკვდავი ძეგლები შექმნა. მაგრამ ის კი ვერ მოახერხა, რომ ყოველი თავისი თანამოძმე სამყოფი პურით მაინც დაეკმაყოფილებინა”.

„არასოდეს არ შეეცადო, რომ ძალიან ბევრი იცოდე! რაც უფრო ნაკლები იცი, მით უფრი იოლია ცხოვრება. ცოდნა ადამიანს ათავისუფლებს, მაგრამ აუბედურებს კიდეც”.

„მე შევიგნე, რომ არ არსებობს ისეთი ადგილი, რომლის სიკარგის გულისათვის ღირდეს სიცოცხლეზე ხელის აღება, და ასევე თითქმის არ არსებობენ ისეთი ადამიანები, ვისთვისაც ღირდეს ამის გაკეთება”.