ქვეყნად მეგობრობის ძებნით

უძილობას ვეწვიე:

ვპოვე – მცირე ნაკადულად,

თუმც – მდინარედ ვეძიე.

მეგობარი მეგობრისთვის

სასიკვდილოდ მზად არის -

მე ასეთი მეგობრობა

ვძებნე,მაგრამ სად არი?

უღალატო მეგობრობის

მწამდა გასხივოსნება,

სულ ამაოდ ვხარჯე წლები,

ო,საბრალო ოცნებავ!

კაცთან ვძებნე,ქაჯთან ვძებნე,

დევებს,ქაჯებს ვეწვიე,

გაიცინეთ – მგოსნის ხალათს,

გიჟის ხალათს ვეწვიე.

ვერც შეიხი,ვერც მეჩეთი,

მწედ ვერ მექნა ვერცერთი,

დუქნის ბიჭად დავდექი და

მივატოვე მეჩეთი…

ოჰ,ნავოი,ყველაფერი

წასულია ხელიდან:

მარტოობა არის შენი

ხვედრი ამიერიდან!