მცირე ხარ და უსაზღვრო ხარ.

ვარსკვლავივით ამობრწყინდი.

მიხარია რომ ხარ ქვეყნად

რომ არასდროს არ მომწყინდი.

***

მიხარია რომ გადავრჩით,

რამდენ ტანჯვას გამოვცილდით,

შენი სულის მონა გავხდით,

ცოცხალნიც და დახოცილნიც.

***

რომ გიჭირდა,შენთან ვიყავ

თავზე გადექ არ მოგცილდი.

რომელ ქალზეც მითხარ სიტყვა,

მეც იმ ქალზედ დავქორწინდი.

***

შენი ხელით მოწვდილ შხამსაც,

სიხარულით გამოვცლიდი,

ძველის წასვლას გაუმარჯოს,

ახლის კალთას დავკოცნიდი.

***

მე შენს სახელს სანათელოს,

მეცხრე ცაზე გავტყორცნიდი.

გადღერძელებ საქართველო,

კიდევ უფრო ამობრწყინდი.