ოთხი რამეა დაუბრუნებელი:

ქვა ხელიდან ნატყორცნი,სიტყვა პირიდან გამოშვებული,გარდასული ჟამი,გავლილი შემთხვევა.

ოთხი რამე კაცსა გახდის ხარბსა:

შიში უქონლობისა,რიდი სხვის მსახურობისა,შური სხვების მიმართ,სიმრავლე შვილთა.

ოთხი რამით შერცხვება კაცი:

გლახაკობით,შეურაცხყოფით,სხვის ხვეწნით,ამხანაგთაგან გაძევებით. (ავტორი გენია.ჯი)

ოთხი რამეა უფასო:

სწავლა,ჯანმრთელობა,თავისუფლება,სათნოება.

ოთხი რამეა გაუქრობელი:

ცეცხლი,მიწა,ჯოჯოხეთი,დედაკაცი.

ოთხი რამე მართებს შეგირდსა:

მასწავლებლის პატივისცემა,სმენის მოწადინება,ხშირად განმეორება ნასმენისა,რჩევის კითხვა მეცნიერთაგან.

ოთხი რამეა თვალის საამური:

მშვენიერება,სხვადასხვა ფეროვნება,გარეგანი შეხედულება,სიწმინდე ჰაერისა.

ოთხ რამეს ვერ მისწვდება კაცი გაურჯელად:

საქებრობას,უმაღლეს სწავლას,სიმდიდრეს,ბატონობასა. (ავტორი გენია.ჯი)

ოთხი რამე მართებს აღსარების მთქმელთა:

აღსარება პირითა,სინანული გულითა,გარდახდა საქმითა,შედგომა კეთილ საქმეთა.

ოთხი რამისგან წარმოსდგება სიძულვილი:

გარყვნილი ლაპარაკით,შეცოდებით,სიხარბით,დაფანტვით მონაგებისა.

ოთხი რამე არღვევს სიმართლეს:

სიყვარული,სიძულვილი,შიში,სურვილი.

ოთხი რამით კაცი პატივსაცემი ხდება:

ქონებით,ღონიერებით,სწავლულობით,გრძნეულებით.

ოთხი რამით კაცი ხდება სიკეთის მქნელი:

სარგებლობით,შიშით,იმედით,სიყვარულით.

ოთხი რამე მოსდევს განრისხებას:

წაგება ჭკუისა,უმეცრება თავისა,უკეთური საქნელი,უღვთო სამართალი.

ოთხი საქმეა მეტად საქები:

ყოველთვის კეთილი,დაცვა სიმართლისა,ხელის აპყრობა დაცემულთა,შველა ნატრულთა.

ოთხი რამე ემჩნევა მოღალატეთ:

სიტკბო ენისა,სიშხამე ნაღველისა,ცრუ სიცილი პირისა,სიბოროტე საქმისა.

ოთხი რამით უშავდება ქვეყანას:

მსახური როცა გამეფდება,რეგვენი როცა გაბატონდება,გარყვნილი ქალი როცა ქორწინდება,მოახლე როცა გამდიდრდება.

ოთხი რამე აძლიერებს კაცსა:

გამოცდილება,ღონიერება,მამაცობა,სისუსტე მტრისა.

ოთხი რამით კაცსა ეხალისება სწავლა:

პატივის მოყვარეობით,კითხვის ადვილებით,გამდიდრების სურვილით,ღვთის ნიჭით.

ოთხი რამე ვერ მოიპარვის კაცთაგან:

სწავლა,საწადელი,ხელობა,ჭკუა.

ოთხი რამე უნდა კაცმან ნიადაგ დაიხსომოს:

სრული სიყვარული ამხანაგისა,კეთილი ლაპარაკი ყველას შესახებ,გაწვრთნა უსწავლელისა,მუდამ პატივისცემა მოხუცისა.

ოთხი რამით ჩნდება მტრობა:

გარყვნილი ლაპარაკით,არშიყობით,სიხარბით,დაცინვით.

ოთხი რამ არ მართებსთ პირთა ბრძენთასა:

აქებდნენ არ საქებსა,არ აქებდნენ საქებსა,წინააღმდეგობა რაც არ ესმის,უდიერება მეზობელთან. (ავტორი გენია.ჯი)

ოთხი რამ ყველაზე კარგია ყველასათვის:

სიბრძნე,გულმოდგინება,მშვიდიანობა,სინანული.

ოთხ რამეს ვერ გაექცევა კაცი:

მომავალს სიბერესა,დაკარგვას ნათესავისა,უბედურების შესწრობასა,სიკვდილის მოახლოვებასა.

ოთხი რამე მართებს შვილსა მამისა:

პატივისცემა მისი,მორჩილება მისი,არ გარისხება მისი,ყოველთვის შველა მისი. (ავტორი გენია.ჯი)