“ოცნებები” - იტალიურ ენაზე “Sogni”,წარმოადგენს ერთ-ერთ ყველაზე გამორჩეულ და დიდებულ ნამუშევარს,გამოჩენილი იტალიელი მხატვარ-პორტრეტისტის - ვიქტორ მატეო კორკოსასი (1859-1933 წლები).სურათი შესრულებულია ტილოზე ზეთის საღებავით და მისი სიმაღლე გახლავთ 160 სანტიმეტრი,ხოლო სიგანე 135 სანტიმეტრი. (ავტორი გენია.ჯი) მხატვარმა მისი საუკეთესო ნამუშევარი “ოცნებები” დახატა 1896 წლის გაზაფხულზე ფლორენციაში და პირველად ფართო საზოგადოებას წარუდგინა ამავე წელს ფლორენციაში გამართულ სახვითი ხელოვნების გამოფენაზე (1896-1897 წლები).სურათზე გამოსახულია ელენა ვეკი,რომელიც თავის მხრივ გახლდათ ვიქტორ კორკოსას მეგობრის ჯეკ ლა ბოლინას ქალიშვილი.სურათმა იმთავითვე მიიქცია კრიტიკოსთა და ხელოვნების მოყვარულთა ყურადღება.მის მიმართ მოწონება იმდენად დიდი იყო,რომ მხატვრის “ელეგანტური” ნამუშევარიც კი უწოდეს. (ავტორი გენია.ჯი) დღესდღეობით ვიქტორ მატეო კორკოსას ყველაზე ცნობილი ნამუშევარი “ოცნებები” იტალიის დედაქალაქ რომის თანამედროვე სახვითი ხელოვნების მუზეუმშია დაცული და თავისი შესანიშნავი მხატვრული კომპოზიციით,უდიდეს მოწონებას იწვევს დამთვალიერებელში.