ინდუისტური ღვთაება,ვიშნუს მერვე ავატარა – კრიშნა,რომელიც ღმერთის უზენაესს ფორმას წარმოადგენს ინდუსებისათვის,ერთ დღეს ძველინდური ეპოსის “მაჰაბჰარატას” გმირთან – არჯუნასთან ერთად გზაზე მიდიოდა,რა დროსაც ცაში ფრინველი დაინახა.ფრინველის დამნახავმა ინდუსურმა ღვთაებამ არჯუნას ჰკითხა:

” – ის მტრედია?

მან უპასუხა:

- დიახ ის მტრედია.

კრიშნამ თქვა:

 - ის მტრედი არ არის – არწივია.

არჯუნმა იმავე წამს უარყო თავისი პირველი შეხედულება და კრიშნას დაეთანხმა:

- ის ნამდვილად არწივია.

- არა არჯუნა,ის არწივი კი არა ყვავია.ნუთუ შენ ამას ვერ ამჩნევ? – კვლავ ჰკითხა კრიშნამ.

არჯუნამ უპასუხა:

- დიახ,ის მართლაც ყვავი ყოფილა.

კრიშნამ მისი პასუხის შემდგომ,ხმამაღლა გაიცინა და არჯუნას საყვედურით მიმართა,თუ რატომ ეთანხმებოდა ასე ბრმად იგი კრიშნას ყოველ,თუნდაც მცდარ შეხედულებას.არჯუნამ კი ინდუსთა ღვთაებას განუცხადა:

” – ჩემთვის ბევრად უფრო მნიშვნელოვანია თქვენი სიტყვები,ვიდრე საკუთარი თვალთახედვაც კი: თქვენ ძალგიძთ ყვავი,მტრედად ან არწივად აქციოთ. და როდესაც თქვენ იმას ამბობთ,რომ იგი ყვავია – მასში ეჭვის შეტანის უფლება არავის არ აქვს.მაშასადამე ის ფრინველი მართლაც – ყვავია.ჩემი მოკრძალებული მოსაზრებით კი,”უსიტყვო რწმენა” გახლავთ ერთადერთი გზა “მარადიული სულიერი წარმატების მოპოვებისა”.(ავტორი გენია.ჯი)