სექტემბერი 11, 2013   ისტორია

“მარი ანტუანეტის უკანასკნელი წერილი”

საფრანგეთის დედოფალი,მეუღლე საფრანგეთის მეფის ლუი XVI-სი და უმცროსი ქალიშვილი იმპერატორ ფრანც I-სა და დედოფალ მარია-ტერეზასი - მარი ანტუანეტი (1755-1793 წლები),რომელსაც ბრალი დასდეს კონტრევოლუციურ შეთქმულებასა და ინტერვენციაში,საფრანგეთის ეროვნული კონვენტის (საკანონმდებლო ორგანო საფრანგეთის რევოლუციის პერიოდში,რომელიც ქვეყანას მართავდა 1792-1795 წლებში და გამოირჩეოდა შეუზღუდავი ძალაუფლებით),მიერ სიკვდილით დასჯა მიესაჯა (გილიოტინაზე თავის მოკვეთით) 1793 წლის 15 ოქტომბერს.დედოფალმა მარია ანტუანეტიმ უკანასკნელი წერილი გაუგზავნა,მისი მეუღლის ლუი XVI-ის დას,პრინცესა ელიზაბეტ ბურბონს. (ავტორი გენია.ჯი) აღნიშნული წერილი აღმოჩენილ იქნა,ფრანგული რევოლუციის ერთ-ერთი ლიდერისა და იაკობინელების მეთაურის – მაქსიმილიან რობერსპიერის (1758-1794 წლები) პირად საბუთებს შორის.აღსანიშნავია,ისიც,რომ 1794 წლის 28 ივლისს თავი მოჰკვეთეს გილიოტინაზე,თავად რობერსპიერსაც.აღნიშნული წერილის ტექსტი კი შემდეგი გახლდათ:

“ჩემო დაო,გწერთ უკანასკნელად.ახლახანს გამომიტანეს სასიკცდილო განაჩენი,მაგრამ ჩემთვის ეს სამარცხვინო კი არა (სიკვდილით დასჯა სამარცხვინოა მხოლოდ დამნაშავეთათვის),თქვენს ძმასთან შეერთების შესაძლებლობაა (ლუი XVI,რომელსაც ასევე თავი მოჰკვეთეს 1793 წლის 21 იანვარს).მასსავით უდანაშაულო,ვიმედოვნებ,უკანასკნელ წუთებში მასსავით გამოვიჩენ სულის სიმტკიცეს.მშვიდად ვარ ისევე,როგორც სუფთა სინდისის ადამიანები არიან ხოლმე.უკიდურესად ვწუხვარ,რომ მიხდება ჩემი საბრალო ბავშვების დატოვება.თქვენ იცით,რომ მხოლოდ მათთვის ვცოცხლობდი! თქვენ კი,ძვირფასო დაო,თქვენ,რომელმაც ჩვენ მეგობრობას და ჩვენთან ყოფნას შესწირეთ ყველაფერი,რა დღეში გტოვებთ.სასამართლოს მსვლელობისას შევიტყვე,რომ ჩემი ქალიშვილი დაგაშორეს თქვენ… ვერ ვბედავ მივწერო მას,რადგან ვიცი,რომ ვერ მიიღებს ჩემ წერილს,იმაშიც ეჭვი მეპარება,მოაღწია თუ არა თქვენამდე ამ წერილმა”.
“ციხე კონსიერჟერი,1793 წლის 16 ოქტომბერი,დილის ხუთის ნახევარი – მარი ანტუანეტი”. (ავტორი გენია.ჯი)
,