თემურ შენგელაია – “წუთში წამი გაჩერდა”

წუთში წამი გაჩერდა,

საათში კი ისრები.

თითქოს ცხადად ვიხილე,

მონაბერი ფიქრები.

***

ვნების ჯარი გავუშვი,

ოცნებებში ჩავერთე.

გამიტაცა ფიქრებმა,

ზმანებებში გავერთე.

***

ვხედავ სხვა მხრივ ქვეყანას,

ბოროტებას კეთილად,

კაენს ძმის მოყვარულად,

ნოინს ცოტნეს ვექილად.

***

შეცვლილია სამყარო,

შეცვლილია წარსული,

თითქოს დაბადებიდან,

წამებია გასული.

***

ოცდაცამეტ წელში ვართ,

აღარავინ ბერდება,

ჯოჯოხეთში გაისმის,

გულკეთილი ვედრება.

***

ნუ წამართმევთ იმედებს,

მომავლის რომ მჯეროდეს,

გული უცემს ბარაბას,

ცრემლი მოსდის ჰეროდეს.

***

ნუ წამართმევთ სიყვარულს,

ვფიცავ ტრუე აროდეს,

ჩემი სული თუ არა,

ჩემი გული კმაროდეს.

***

აღარ ისმის ყვედრება,

ოცდაათი ვერცხლისა,

იუდას სულს გატანჯულს,

მოსვენება ეღირსა.

***

სახე გამთელებია,

კუზმა შმიტის მეკობრეს,

ცხვრებს ურიგებს ციკლოპი,

ოდისევსის მეგობრებს.

***

კუკარაჩა,მურტალო,

ინგას ერთად ელიან,

მტრობის ნაცვლად ვაჟკაცი,

ნასვამები მღერიან.

***

აღარავინ ამცირებს,

მილიონერ ფიროსმანს,

სვეტიცხოველს მადლობენ,

ორ მკლავიან დიდოსტატს.

***

თავს არ იკლავს არავინ,

ბაჩო ლექსებს მიყვება,

მერი ცოლად სხვის ნაცვლად,

გალაქტიონს მიჰყვება.

***

ყველა ხარობს,ზეიმობს,

სიკეთეა ყოველგან,

ყველა ცოდვილს შეუნდეთ,

ბრძანა ყოვლის მპყრობელმან.

***

ზოგჯერ ქისას კეთილი,

გლახაკისთვის გაიღებს,

მაგრამ ქარის მოტანილს,

ისევ ქარი წაიღებს.

***

ზმანებები წავიდა,

ისევ ქარმა წაიღო,

ბედი უკან გაბრუნდა,

ჩვენზე ხელი აიღო.

***

გინდა?შენი სამყარო,

მთლად შიშველი განახო?

მაშინ თვალი გააღე,

ცრემლი არ დამანახო.

***

აი შენი ქვეყანა,

ჯიბრის ბნელი ტურია,

კაენს შურით დაბოღმილს,

ძმის სისხლი რომ წყურია.

***

ხო ბნელია სამყარო,

სისხლიანი წარსული,

ქრისტეს დაბადებიდან,

საუკუნე გასული.

***

მე ცხრამეტი წლისა ვარ,

ყველა უცებ ბერდება,

ჯოჯოხეთში გაისმის,

ტანჯვა,ოხვრა,ვედრება.

***

რად წამართვით იმედი,

ახლა რისი მჯეროდეს?

ჯვარს არ აცვეს ბარაბა,

ჩვილებს ხოცავს ჰეროდე.

***

განიბნია ვერცხლები,

ქრისტე ღალატს მიუხვდა,

თოკზე პირქუშ ღამეში,

ჩამოიხრჩვა იუდა.

***

კუზმას შმიდტის კაპიტანს,

სახე ურჩხულს მიუგავს,

ციკლოპს სისხლი სწყურია,

კარზე ლოდი მიუდგამს.

***

კუკარაჩა მოუკლავთ,

ყაჩაღების ფენიდან,

მისი სისხლიც დალიეს,

გადახსნილი ვენიდან.

***

ვინღა იცნობს უბედურს,

აბრის მხატველ ფიროსმანს?!

კარგის აგებისათვის,

მკლავი მოსჭრეს დიდოსტატს.

***

გალაქტიონს ბაძავენ,

ეს სენია ქართული,

მერის სადღა სცალია,

ქორწილშია გართული.

***

აა,თქვენი სამყარო,

აა,თქვენი ცოდვები,

ეცით ერთურთს დაგლიჯეთ,

მე კი კარგად გშორდებით.

***

მე გისურვებთ წასვლამდე,

ყველას კარგი მოეგოს,

ყველა პროპკა არ არის,

ყველა ბოთლს რომ მოერგოს.

***

კაცი ძმას არ დაინდობთ,

ყველას ცოლებს გაფლითავთ,

ვერ გაიყოფთ ხომ ვიცი დედამიწას დაფლითავთ,

ზოგი კარგი ტიპია,ზოგი ცუდი ტიპია,

ზოგს ბევრი ჰყავს ქალები  კარგი ტიპია.

***

და თუ ჩემთან წამოხვალთ,

გაამზადეთ წიგნები,

პლანეტაზე თუ არა,

ორბიტაზე ვიქნებით.