“ვოიაჯერის ოქროს დისკი” – წარმოადგენს,ალუმინის ფუტლიარში შეფუთულ სპილენძის საინფორმაციო დისკს,რომელზეც ჩაწერილია ხმოვანი და ვიდეო სიგნალები.მისი სრული დიამეტრი 30 სანტიმეტრია და იმისათვის,რომ ან კოსმოსური მტვრით ან კიდევ ეროზიით არ დაზიანდეს,დაფარულია ოქროთი.მასზე დატანილი ინფორმაციებიდან – 78 % მუსიკალური ფორმების გამოსახულებით,სხვადასხვა კულტურისა და ხალხის მელოდიების სახითაა წარმოდგენილი.მათ შორის – ბახის,ბეთჰოვენის,მოცარტის,ლუი არმსტრონგის,ჩაკ ბერის,სტრავინსკის და ვილი ჯონსონის მუსიკალური ნაწარმოებები.დასავლურ მუსიკას დისკზე ნახევარი დრო ეთმობა.დანარჩენი დრო კი ეთმობა ინდურ,ჩინურ,იაპონურ და იავურ კლასიკურ მუსიკას.მათ შორის 2500 წლის წინათ,ჩინელი კომპოზიტორის – ბო იას მიერ დაწერილ მუსიკალურ ნაწარმოებს.გარდა ამისა დისკზე დატანილია პერუს,ბულგარეთის,ავსტრალიის,აფრიკისა და აზერბაიჯანის ხალხური შემოქმედება. და რაც ჩვენთვის (ქართველთათვის) ყველაზე მთავარია – “ვოიაჯერის ოქროს დისკზე” დატანილ იქნა ქართული კულტურის უდიდესი თვალ-მარგალიტი,ქართული ხალხური სიმღერა – “ჩაკრულო”.(ავტორი გენია.ჯი) გარდა ზემოთ აღნიშნული ქვეყნებისა,დისკზე დატანილია სოლომონის კუნძულების და ახალი გვინეას ის სარიტუალო ხასიათის სიმღერები,რომლებიც ჯერ კიდევ “ქვის ხანიდან” არის ცნობილი (მაშინ,როდესაც ადამიანი პირველად იწყებდა მელოდიის აღქმას).