ნოდარ ადეიშვილი – “რამდენი რამ…”
აქ რომ გუშინ
წისქვილი და ეკლესია ენთო,
სად წავიდა!
რამდენი რამ მაპატიე ღმერთო!
***
აშლის ზოგჯერ,აშლის სევდა,
მიტოვებულ ზარებს,
მაგრამ ვინღა გამოჭედავს
აწ იმ მზეს და მთვარეს.
***
მხოლოდ ერთი ეკლის ხეა,
ძველ ადგილს რომ არ თმობს…
ათოვს ჯვარცმის ეკლესიას
და საფლავებს ათოვს.
***
სადღა არის ის სანთლები,
აქ რომ რწმენას ენთო?!
რამდენი რამ,
რამდენი რამ მაპატიე,ღმერთო.