წავალ დროზე,ჩავალაგებ ხურჯინს,

დავივიწყე ყველაფერი ძველი,

სანამ ღამე ჩამოდგება მუნჯი,

სანამ მოსჩანს გასავლელი ველი.

***

ახლა ვუცქერ განათებულ ფანჯრებს,

ვიღაც,ალბათ,ღამის ლოცვას იწყებს,

ვიღაც ისევ შრომობს,ოჯახს არჩენს,

ვიღაც ზის და ქალებს ხატავს შიშველს.

***

მთავარია,რომ არ დამრჩეს ქუდი,

შეფერხების რა გამოლევს მიზეზს,

გადავკარი უკვე კათხა ლუდი,

ლუდი ხშირად აჯანსაღებს მიზნებს.

***

სად ხარ,გეძებ,დაგიქნიო ხელი,

კარგად იცი,რომ არ მიყვარს მოცდა,

ჩემი არის ეს სამყარო მთელი,

გამგზავრება მომინდება როცა.

***

წავალ დროზე,ჩავალაგებ ხურჯინს,

დავივიწყე ყველაფერი ძველი,

თორემ მოდის შეღამება ლურჯი,

თორემ მელის გასავლელი ველი.