„ქვეყანაზე გულცარიელი ადამიანები უფრო მეტნი ყოფილან, ვიდრე თავცარიელები! თავს კიდევ ამოავსებს კაცი ნასესხები სიბრძნით, სხვისი პრინციპებით, გაზეპირებული სიტყვებით, ვაი-უით ჩანერგილი ჩვევებით, მაგრამ ცარიელ გულს რა ეშველება?!”

„თუ წინ არაფერია, მაშინ დღესაა ყველაფერი!”

„ყველაფერზე პასუხს სულელები იძლევიან”.

„ადამიანი სამუდამოდ თვალებს როს ხუჭავს, ის სწორედ მაშინ ახელს თვალებს, მაგრამ რაღა დროს!”

„სამშობლო ცუდი არ არსებობს”.

„ადამიანი დიდი მატრაბაზი და პატივმოყვარეა, თუ ირგვლივ მეტი ვერავინ ნახა, საკუთარ თავთან დაიწყებს ჯამბაზობას”.

„ღირსეულთან ბრძოლაში გამარჯვებას ჰქვია გამარჯვება, თორემ უღირსი და ბეჩავი რომ გასრისო, სად გაამხელ”.

„თავის თავის უზომოდ შემაზიზღი ყოფილა, როცა თვალწინ აღმაშფოთებელ უსამართლობას სჩადიან. შენ კი დუმხარ, არ შეგიძლია გამოესარჩლო უბედურს”.

„ეს ქვეყანა ერთი ფანჯარაა, ყველა შეიხედავს და წავა”.

„როცა დიდი და პატარა ცრუობს, – ცუღლუტობა, ტაკიმასხარაობა, ლაზღანდარობა – სათნოებად არის მიჩნეული, – ეს იმას ნიშნავს, რომ დარეკა ჟამმა მეორედ მოსვლისა”.