ანაკრეონტი - დაიბადა დაახლოებით ძვ.წ.აღ-ით 570-559 წლების შუალედში,მცირე აზიაში მდებარე იონიის უძველეს ქალაქ თეოსში.იგი წარმოადგენა ერთ-ერთ უდიდეს ძველბერძენ ლირიკულ პოეტს,რომელიც “ალექსანდრიელი ელინისტური მეცნიერების” მიერ შეყვანილ იქნა “9 უდიდესი ლირიკოსი პოეტების” ნუსხაში.ანაკრეონტის წარმომავლობის შესახებ ცნობები ძალიან მწირია.სხვადასხვა წყაროები მის მამად ასხელებს შესაძლო ოთხ პიროვნებას – სკიფიანეს,ევმელის,პართენიეს ან არისტოკრიტეს.თუმცა ზუსტი ვინაობა მისი მამისა გაურკვეველია.ძვწ.აღ-ით 545 წელს,თეოსის სპარსების მიერ აღების შემდეგ,თანამოქალაქეთა ჯგუფთან ერთად თრაკიასი მოახერხა გაქცევა.თრაკიაში კი თეოსელებმა ჩამოაყალიბეს კოლონია – აბდერი (ძველბერზნული ქალაქი მცირე აზიაში,რომელიც მალევე იქნა დაპყრობილი ლიდიის სატრაპის – ჰარგაპუსის მიერ).ანაკრეონტის აბდერიდან გაძევება,როგორც ჩანს გამოიწვია მისმა აქტიურმა ბრზოლებში ჩართვამ ჰარგაპუსის ჯარების წინააღმდეგ.მოგვიანებით ანაკრეონტი მიწვეულ იქნა,ცნობილი სამოსელი ტირანის პოლიკრატეს მიერ და მისი სასახლის კარზე პოეტმა ძვ.წ.აღ-ით 522 წლამდე დაჰყო. (ავტორი გენია.ჯი) როგორც ჰეროდოტე ამბობდა,ანაკრეონტი ამ პერიოდში ტირანის დიდი ნდობით სარგებლობდა და მას რამდენიმე ოდაც კი მიუძღვნა.პოლიკრატეს გარდაცვალების შემდეგ იგი გაემგზავრა ათენში,სადაც მსახურობდა ტირან ჰიპარქეს სასახლის კარზე.ამავე პერიოდში მან გაიცნო დიდი ძველბერძენი პოეტი სიმონიდე და მისი შესანიშნავი ახლო წრე.ისინი ერთად ხშირად იკრიბებოდნენ ჰიპარქეს კარზე,სადაც მიმდინარეობდა მათი პოეზიის და სხვა ინტელექტუალური საკითხების განხილვა.