სასწავლო წლის დასაწყისში, ნიუ-ორკში მდებარე სკოლის ერთ-ერთი მე-8 კლასის ისტორიის გაკვეთილზე შევიდა ამერიკელი პედაგოგი. მისალმების შემდეგ,

 მასწავლებელმა კლასს იაპონური წარმომავლობის მქონე ახალი მოსწავლე – შაკირო სუძუკი წარუდგინა და მალევე ისტორიული თემატიკის მქონე შეკითხვების დასმა დაიწყო:

„ – რომელმა ამერიკელმა პოლიტიკოსმა განაცხადა: „თავისუფლება ან სიკვდილი?”

კლასში სამარისებური სიჩუმე ჩამოწვა. მხოლოდ ერთადერთმა მოსწავლემ ასწია ხელი და ისიც იაპონური წარმომავლობის მქონე ახალი მოსწავლე – შაკირო სუძუკი იყო.

- აღნიშნული სიტყვები 1775 წელს ფილადელფიაში წარმსოთქვა ცნობილმა ამერიკელმა სახელმწიფო მოღვაწემ და ვირჯინიის გუბერნატორმა – პატრიკ ჰენრიმ.

 - ძალიან კარგი, – მიუგო მასწავლებელმა და იმავე წამს მეორე შეკითხვაც დასვა:

- ვინ არის ავტორი გამონათქვამისა: „სახელმწიფო – ეს ხალხია და იგი არასოდეს არ უნდა მოკვდეს?”

კლასში კვლავ სიჩუმემ დაისადგურა, თუმცა ხელი კვლავაც ერთადერთმა მოსწავლემ – სუძუკიმ ასწია:

- ამ სიტყვების ავტორი გახლავთ ამერიკის შეერთებული შტატების რიგით მე-16 პრეზიდენტი – აბრაამ ლინკოლნი, რომელმაც იგი 1863 წელს ვაშინგტონში წარმოთქვა.

იაპონელი მოსწავლის პასუხებისაგან გაოცებულმა მასწავლებელმა თავის მოსწავლეებს მიმართა:

- არა გრცხვენიათ? სუძუკი იაპონელია და ამერიკის ისტორია თქვენზე უკეთ იცის.

მასწავლებლის მიმართვამ რიგი მოსწავლეების აღშფოთება გამოიწვია და გაისმა შეძახილი:

- ტვინი წაიღეს ამ იაპონელებმა!

მასწავლებელმა უმალვე ჰკითხა კლასს თუ ვინ წამოიძახა ეს სიტყვები, რაზეც ფეხზე ისევ სუძუკი წამოდგა და განაცხადა:

- ეს სიტყვები პირველად იაპონელთა მისამართით წარმოითქვა 1942 წელს და მისი ავტორია ამერიკული არმიის გენერალი – დუგლას მაკარტური.

იაპონელი მოსწავლის პასუხმა ამერიკელი მოსწავლეები კიდევ უფრო უარყოფითად განაწყო მის მიმართ და ერთ-ერთმა დაუძახა კიდეც:

- შენ ენა გააჩუმე!

სუძუკი არც კი დაფიქრებულა, იმავე წამს წამოიძახა:

 - ამ სიტყვებით ხომ ამერიკის პრეზიდენტმა – ბილ კლინტონმა მიმართა„თეთრი სახლის” ოვალურ კაბინეტში მონიკა ლევინსკის 1997 წელს?!

მოულოდნელად კლასში გაისმა ხმა:

 - სუძუკი – ნაგავია!

იაპონელი ინტელექტუალი არც ამ შემთხვევაში დაფიქრებულა ისე განაცხადა:

- მეგობარო! თქვენს მიერ ნათქვამი სიტყვა პირველად 2002 წელს წარმოთქვა ბრაზილიის გრან-პრის მიმდინარეობისას მრავალგზის იტალიელმა მსოფლიო ჩემპიონმა მოტორბოლაში – ვალენტინო როსიმ.

სუძუკის გამაოგნებელმა პასუხებმა კლასში ისეთი აურზაური გამოიწვია, რომ ხმაურმა სკოლის დირექტორის ყურამდეც მიაღწია და ისიც უმალვე მათ საკლასო ოთახში გაჩნდა, რის შემდეგაც გაღიზიანებულმა დაიყვირა:

- ეს რა ბარდაგია, თვენი დედაც…

 კლასში დირექტორის შემოსვლამ სამარისებული სიჩუმე გამოიწვია, თუმცა ისევ ფეხზე წამოდგა იაპონელი ინტელექტუალი მოსწავლე – შაკირო სუძუკი და დირექტორს მიმართა:

- თქვენს მიერ წარმოთქმული სიტყვებით პირველად რუსეთის სათათბიროს წევრებს 1997 წელს მიმართა რუსეთის ფედერაციის პრეზიდენტმა – ბორის ელცინმა…

მასწავლებელთან და მოსწავლეებთან ერთად სუძუკის სიტყვებმა სკოლის გაოგნებული დირექტორიც კი დაადუმა… (ავტორი გენია.ჯი)