სიმონ ბერეჟიანი – “თეთრგიორგელთა სიმღერა”
ჩვენ მოვევლინეთ საქართველოს
განწირულ დროში,
მიგვიღო ზეცამ,მაგრამ მიწა
გვეძახის გერებს.
მივდივართ მწყობრივ ბნელ ღამეში
გიორგის დროშით.
დავგმეთ წითელი და ვადიდებთ
წარსულის ფერებს…
მივდივართ ქარში,მძიმე მარშით,
გამართულ ფეხით
და გვჯერა,მთვარე ვერ წაშლიდა
მთებში მზის ნავალს.
ჩვენს მიწა-წყალზე გავივლით მეხით,
რომ გავუკაფოთ გზები მომავალს!