ერნესტ ფრედერიკ ჰოლინგს – რომელიც წარმოადგენდა ცნობილ ამერიკელ პოლიტიკოსს დემოკრატიული პარტიიდან,სენატორსა და სამხრეთ კაროლინის შტატის გუბერნატორს,ერთობ მძაფრ ოპონირებას უწევდა რესპუბლიკური პარტიის  წარმომადგენელი – ჰენრი მაკმასტორი.ერთ-ერთი პოლიტიკური ოპონირებისას,ერნსტს მაკმასტორმა შესთავაზა ნარკოტიკებზე ტესტის აღება.აღნიშნული წინადადებით გაოცებულმა ჰოლგინსმა კი,ოპონენტს მეტად გონივრული პასუხი გასცა:

- პრობლემა არ არის! მე დიდი სიამოვნებით გავიარ ნარკოტესტს იმ შემთხვევაში,თუკი ჩემთან ერთად თქვენც გაიართ ინტელექტის კოეფიციენტის ტესტს”.

გაერთიანებული სამეფოს ლეგენდად ქცეულ პრემიერ-მინისტრს - სერ უინსტონ სპენსერ ჩერჩილს,ერთ-ერთი საპარლამენტო სხდომისას ჩაეძინა.ეს არ გამოპარვია ტრიბუნაზე სიტყვით გამომსვლელ პარლამენტარს,რომელმაც ჩერჩილს მიმართა:

- ბატონო უინსტონ! ნუთუ არ შეგიძლიათ  თავი შეიკავოთ ძილისაგან მაშინ,როდესაც სიტყვით გამოვდივარ?

თავისი მახვილსიტყვიერებით ცნობილი პრემიერ-მინისტრი ძილბურანიდან გამოერკვა და პარლამენტარს უმალვე შეეპასუხა:

- არ შემიძლია! მე რომ მძინავს,სწორედ თქვენი სიტყვით გამოსვლის დამსახურეებაა. (ავტორი გენია.ჯი)

გენიალურ დანიელ ფიზიკოსთან,ნობელიანტთან ფიზიკის დარგში და თანამედროვე ფიზიკის ერთ-ერთ ფუძემდებელთან – ნილს ბორთან (1885-1962 წლები),ინტერვიუს ჩასაწერად ჟურნალისტი მივიდა.მან სრულიად შემთხვევით შენიშნა,რომ შესასვლელში “ნალი” ეკიდა.ინტერვიუს ბოლოს,ჟურნალისტმა ნილს ბორს ჰკითხა:

- თქვენ ნამდვილად გჯერათ იმის,რომ ცხენის ნალი რაიმე წარმატებას მოგიტანთ?

რაზეც დიდმა ფიზიკოსმა უპასუხა:

- რაღა თქმა უნდა – არა! თუმცა-კი გამიგონია,რომ მას წარმატება მოაქვს არა მარტო იმათთვის,ვისაც ეს სჯერა,არამედ იმათთვისაც ვისაც ამისი სრულებით არ სჯერა.

საყოველთაოდ ცნობილი ამერიკელი მსახიობი ქალი – ილკა ჩეიზი (1900-1978 წელს),არამარტო სამსახიობო კარიერით იყო დაკავებული,არამედ აქტიურად ეწეოდა ლიტერატურულ მოღვაწეობასაც (ავტორია რამდენიმე რომანის და ნოველისა).მოგვიანებით გამოაქვეყნა თავისი ავტობიოგრაფია.ერთ დღეს,სწორედ აღნიშნული წიგნის შესახებ ჰკითხა ირონიულად ერთ-ერთმა კონკურენტმა მსახიობმა ქალმა:

- ძალიან მომეწონა თქვენი წიგნი! ხომ ვერ მეტყოდით,ვინ დაგიწერათ?

- ძალიან მოხარული ვარ,რომ ჩემი წიგნი მოგეწონათ,თუმცა მინდა გკითხოთ,თქვენ ვინ წაგიკითხათ იგი?

ცნობილ რუს მწერალ-პროზაიკოსთან,დრამატურგთან და სატირიკოსთან - იური ოლეშასთან (1899-1960 წლები),ლიტერატორთა სახლის ბუფეტში ერთ დღეს ნაცნობი ლიტერატორი მივიდა,რა დროსაც მისგან შემდეგი წინადადება მოისმინა:

- ბატონო იური! რატომ დაწერეთ ასე ცოტა ნაწარმოებები? რაც თქვენ დაწერილი გაქვთ,მე შემიძლია ისინი ერთ ღამეში წავიკითხო…

გაოცებული ოლეშა შეკითხვას არ დაუბნევია და უმალვე საკმაოდ გონებამახვილური პასუხი გასცა:

- მე კი,შემიძლია ერთ ღამეში იმდენი ნაწარმოები დავწერო,რაც თქვენ მთელი ცხოვრების მანძილზე დაგიწერიათ. (ავტორი გენია.ჯი)