ალექსანდრე მაკედონელის არმიის ერთ-ერთმა მხედართმთავარმა და ალექსანდრეს გარდაცვალების შემდეგ მცირე აზიის ნაწილის მეფემ – ანტიგონე I ცალთვალამ (ძვ.წ.აღ-ით 382-301 წლები),დაინახა თუ არა როგორ იწვავდა გველთევზას თავისთვის დიდი ძველბერძენი პოეტი – ანტაგორას როდოსელი (ძვ.წ.აღ-ით IV-III საუკუნეები),უმალვე მასთან მივიდა და ირონიით სავსე კილოთი ჰკითხა: 

- როგორ გგონია,ანტაგორას,როდესაც ჰომეროსი აგამემნონის საბრძოლო დიდების ამბებს აღწერდა,განა იწვავდა-კი იგი გველთევზებს?

- როგორ გგონია,მბრძანებელო,როდესაც აგამემნონი დიდების მოსახვეჭად იბრძოდა,აინტერესებდა-კი მას,თუ ვინ იწვავდა მის ბანაკში გველთევზებს? – კითხითვე უპასუხა გონიერმა პოეტმა მბრძანებელს და ტაფაზე დაყრილი გველთევზების შეწვა განაგრძო,ხოლო ანტიგონე ისე გაშორდა ანტაგორას,რომ მისთვის საპასუხო შეკითხვაზე პასუხი არ გაუცია. (ავტორი გენია.ჯი)