ძველეგვიპტელი ბრძენები გვირჩვედნენ…

“თუ რომელიმე ოჯახთან გინდა კეთილი ურთიერთობა შეინარჩუნო,გინდ ძმა იყოს,მოკეთე,ბატონი თუ მეგობარი,მოერიდე ქალს – შეუმჩნევლად გაგაბამს ბადეში და მერე ცუდი ბოლო ექნება ამას”. 

* * *

“თუ დიდმა კაცმა დაგპატიჟოს,დასჯერდი იმას,რაც მან შემოგთავაზოს,რაც მოგართვან.ნუ უყურებ იმას,რაც მასპინძლის წინ დევს,არამედ შეხედე იმას,რაც შენ წინ არის.ხშირ-ხშირად ნუ გახედავ სტუმართა კერძებს; თავი დაბლა გეჭიროს,ვიდრე მასპინძელი დაგელაპარაკება, და ამეტყველდი მხოლოდ მაშინ,როცა ის მოგესალმოს.იცინე მაშინ,როცა მან გაიცინოს.ეს ეამება და მის გულს მოიგებ”.

* * *

“არ მოატყუო ბრძენი,მარჩენალი დიდებულთა,რამეთუ შეიცნო მან ყოველი.ნუმცა იპოვების მოღალატე მისთა მახლობელთა შორის.სიმართლე უთხრან,წინაპართა ნაუბარი.იყავ მსგავსი ნასახი წინაპართა შენთა.საქმენი მათნი შემონახულან ნაწერებში”. (ავტორი გენია.ჯი)

* * *

“წარმავალია წუთისოფელი,მიწიერი სიცოცხლე დიდხანს როდი გრძელდება.ბედნიერია,ვისაც მოიგონებენ.უსარგებლოა მსახურთა სიმრავლე.კაცი ცას ვერ გამოეკერება! სვებედნიერიც კი,რომელიც ოსირისს ახლავს,სიცოცხლეს გამოეთხოვება,ტოლსა და სწორსაც ჩამოშორდება,ჟამი რომ დაჰკრავს.რაღა აშფოთებს მდიდარს თავის სახლში – ქონება საკმარისად აქვს,უქონლობას რაღას ჩივის?”

* * *

“აღმართე სიმაგრეები… აშენე ტაძრები,ღმერთები განადიდებენ მშენებელთ… თეთრი სანდლები ჩაიცვი და შედი ტაძრად,დუმილით შედგი ფეხი წმინდა სამლოცველოში.იგემე იქ პური,უხვად შესწირე პური საკურთხეველს”.

* * *

“ამრავლე ძეგლნი შენი დიდებისანი… რამეთუ ერთ დღესაც შეაქვს თავისი წვლილი მარადისობაში”.

* * *

“სანაქებოა მომავლისათვის ზრუნვა”.

* * *

“არ დაანგრიოთ სხვათა ძეგლები… არაიშენოთ სამარხი სხვათა სამარხების ქვით,საკუთარი ქვა გამოკვეთე.გახსოვდეთ: დიდსულოვნება მეფეთა სამკაულია”. (ავტორი გენია.ჯი)

* * *

“პასუხს ნუ გასცემ მძვინვარე დიდკაცს,გზა აუქციე.კეთილი სიტყვით დაუცხრე გული,თუ ვინმეს უწყრება, და დაიმშვიდე შენც გული.სადავო სიტყვას ხშირად რისხვა მოჰყვება,ჯოხი მოგხვდება,დამარცხდები”.

* * *

“მშობლებზე მეტად გიყვარდეს წიგნი”.

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

შეგიძლიათ გამოიყენოთ ეს HTML ტეგები და ატრიბუტები: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>