ლაშა გვასალია – “ამ ხიდზე…”
ამ ხიდზე ვერვინ გაივლის,
ბეწვზე ძნელია გავლა,
ადრე ისეთნი ვიდოდნენ,
ზეცის რომ ჰქონდათ კრძალვა…
* * *
იშველიებდნენ ფრთების და
ღრუბელ-უძირო ძალებს,
ნისლში ახვევდნენ ოცნებად
მზედატანებულ თვალებს…
* * *
ახლა მიწობენ პოეტნიც,
ყოფა-ტკივილთა ტყვენი,
და შემოაცვდათ თვალსწრაფად
უმზეკაბანო დღენი…
* * *
ამ ხიდზე ვერ გადადიან,
ბეწვზე ძნელია გავლა,
ადრე ისინი ვიდოდნენ,
ცა-მზის რომ ჰქონდათ კრძალვა!..