ატიტლანი – წარმოადგენს ცენტრალურ ამერიკაში მდებარე გვატემალას რესპუბლიკის სამხრეთ-დასავლეთ ტერიტორიაზე განთავსებულ სტრატოვულკანს (შერეული ვულკანი,რომლის კონუსი აგებულია ერთმანეთის მონაცვლე გამყარებული ლავური ნაკადებისა და ლავის შეცემენტებული ნატეხებისაგან).მისი სიმაღლე ზღვის დონიდან 3 535 მეტრია და მსოფლიოს უგრძესი მთათა სისტემის – კორდილიერების ნაწილია.ქვეყნის დედაქალაქიდან – გვატემალადან დასავლეთით 150 კილომეტრის მოშორებით ატიტლანის ტბის სიახლოვეს მდებარეობს.იგი ჩამოყალიბებულ იქნა დედამიწის ისტორიის მეოთხეული პერიოდის შუა ეპოქაში,რომელსაც – პლეისტოცენს ვუწოდებთ და რონელიც ჩვენს პლანეტაზე დაახლოებით 2,588 მილიონი წლის წინათ დაიწყო და 11,7 ათასი წლის წინ დასრულდა.აღსანიშნავია ის გარემოება,რომ ატიტლანის ვულკანი გახლავთ ცენტრალურამერიკული ვულკანური რკალის ერთ-ერთ შემადგენელ ნაწილს.საინტერესოა ის,რომ ატიტლანი სხვა უამრავი სახეობის ფრინველისა თუ ცხოველის მსგავსად,წარმოადგენს ორი უნიკალური და უიშვიათესი სახეობის ფრინველის – Oreophasis derbianus-ისა და Tangara cabanisi-ს საბინადრო ადგილსაც.აღნიშნული ვუკანის შესამჩნევი გააქტიურება ისტორიული წყაროების მიხედვით,სათავეს 1469 წელს იღებს,ხოლო მისი უკანასკნელი ამოფრქვევა 1853 წელს იქნა დაფიქსირებული. (ავტორი გენია.ჯი)