ვილჰელმ კონრად რენტგენი – “ეპიზოდი”
გენიალურ გერმანელ ფიზიკოსს - ვილჰელმ კონრად რენტგენს (1845-1923 წლები),რომლის სახელთანაც ასოცირდება საყოველთაოდ ცნობილი იქს-სხივების,იგივე “რენტგენის გამოსხივების” აღმოჩენა,ვიურცბურგის უნივერსიტეტში ლექტორად მოღვაწეობის პერიოდში,გამოცდების მიმდინარეობისას ერთ-ერთმა სტუდენტმა ვერც ერთ დასმულ შეკითხვაზე პასუხი ვერ გასცა.
- თუ შეიძლება მიპასუხეთ,რომელი ლექტორების ლექციებს ესწრებოდით ამ ხნის განმავლობაში? – ბოლო შეკითხვა დაუსვა რენტგენმა.
სტუდენტმა რამდენიმე პროფესორის სახელი და გვარი ჩამოუთვალა დიდ ფიზიკოსს.
- ხედავთ,როგორი პროგრესია?! – წამოიძახა აღფრთოვანებულმა ვილჰელმმა.
- რა პროგრესი,ბატონო პროფესორო? – გაოცდა სტუდენტი.
- გასულ წელს შემდგარ გამოცდებზე თქვენ იმ პროფესორების გვარებიც კი არ იცოდით,რომელთა ლექციებსაც ესწრებოდით, – უპასუხა მახვილგონივრულად რენტგენმა გაოცებულ სტუდენტს. (ავტორი გენია.ჯი)