სპარსეთის იმპერიის ფუძემდებლისა და აქამენიდთა დინასტიის პირველი წარმომადგენლის სპარსეთის სამეფო ტახტზე – კიროს II დიდის (ძვ.წ.აღ-ით 590-530 წლები) მმართველობის პერიოდში,ამ უძველეს იმპერიაში ინფორმაციის ხმით გადაცემის გასაოცარი მეთოდი მოქმედებდა.კერძოდ,ასეთი სამსახურისათვის კიროსის განკარგულებაში 30 000 ადამიანისაგან შემდგარი არმია იმყოფებოდა,რომელთაც – “სამეფო ყურებად” მოიხსენიებდნენ. (ავტორი გენია.ჯი) თითოეუილი “სამეფო ყური”,თავიანთთვის სპეციალურად განსაზღვრულ ტერიტორიაზე იყო დაბინავებული,მათ შორის ქედების და მთების მწვერვალებსა და კოშკების სახურავებზე,საიდანაც ისინი კიროსისათვის მნიშვნელოვან სახელმწიფოებრივ ინფორმაციას ერთმანეთს ყვირილის საშუალებით აწვდიდნენ: პირველი მეორეს,მეორე მესამეს,მესამე მეოთხეს და ასე გრძელდებოდა იქამდე,ვიდრე უკანასკნელი “სამეფო ყური” აღნიშნულ ინფორმაციას კიროსს არ მიაწოდებდა. ძვ.წ.აღ-ით I საუკუნის დიდი ძველბერძენი ისტორიკოსისა და მითოლოგის – დიოდორე სიცილიელის გადმოცემის თანახმად,სპარსეთის უზარმაზარ ტერიტორიაზე განფენილი “სამეფო ყური”-ს სამსახურის მიერ ხმით გადაწოდებული ინფორმაცია ხშირად 30 დღის განმავლობაშიც იყო გზაში,სანამ კიროს II დიდს მოხსენდებოდა. (ავტორი გენია.ჯი)