გარკვეული პერიოდის განმავლობაში გენიალური ფრანგი განმანათლებელი,მწერალი და ფილოსოფოსი - ფრანსუა მარი არუე (1694-1778 წლები),იგივე – ვოლტერი,პრუსიის მეფის – ფრიდრიხ II-ის სამეფო კარზე ცხოვრობდა და მონარქთან დიდი მეგობრობითაც გამოირჩეოდა. (ავტორი გენია.ჯი) ერთ დღეს ვოლტერის სამუშაო კაბინეტში გენერალი – მანშტეინი იმყოფებოდა.ისინი ფრანგულ ენაზე თარგმნიდნენ ერთ-ერთ ნაწარმოებს,რა დროსაც მას ფრიდრიხის კიდევ ერთი ნაწარმოები შეუტანეს შესაფასებლად და შესასწორებლად.მძიმე სამუშაოსაგან გადაღლილი ვოლტერი აღნიშნულმა ფაქტმა ძალიან გააბრაზა და მანშტეინს გაღიზიანებულმა მიმართა:

- ჩემო მეგობარო,ეხლა ჩვენ უნდა შევწყვიტოთ ჩვენი მუშაობა; ხომ ხედავთ,მეფემ ჩემთან კიდევ ერთხელ გამოაგზავნა თავისი ბინძური თეთრეული,რომელიც აუცილებლად უნდა გაირეცხოს.

როგორც ჩანს,ვოლტერის სიტყვები ფრიდრიხ II-ის ყურამდე მივიდა,რადგან სწორედ ამ მოვლენის შემდეგ გაჩნდა მათ შორის განხეთქილება.მალევე ვოლტერს პრუსიის მეფის სასახლის დატოვება და სახლში გამგზავრება მოუხდა. (ავტორი გენია.ჯი)