უნდა შეგეძლოს ოდინდელი სიბრძნის შენახვა,

რომ გზა,რომელიც გაიარეს თხამ და ვენახმა,

არ წარიხოცოს უთავბოლო სოფლის ბრუნვაში

სისხლით,რომელიც მოსისხარო,ხელზე შეგახმა.

* * *

ხამს,დაიხსომო – ვინ დაეცა,ვინ აღემაღლა

და წრე,რომელიც შემოწერეს თხამ და ვენახმა,

ღირსყო,ვითარცა,ღირსეული მამის ულვაში

და გამარჯვების სადღეგრძელო წართქვა ხელახლა.

* * *

მკვლელი მკვლელს აშთობს,ეწირება ზვარაკს ზვარაკი,

ამას გვაუწყებს უძველესი იგავ-არაკი;

მკვრივდება გრდემლი – განალღობი,ტყვია გამბალი,

ისევ ნიშნს უგებს ქონდრისკაცი შემთვრალ არქიელს

და აჭაშნიკებს ჭაშნაგირთა ძველი ამქარი

ზესკნელ-ქვესკნელის უსასრული იერარქიებს…