საინტერესოა ის გარემოება,რომ ძველ ბერძენ ფილოსოფოსთა,პოეტთა და მწერალთა უმეტესობა,მაშინ,როდესაც იმ პერიოდისათვის ადამიანთა სიცოცხლის საშუალო ხანგრძლივობა არც თუ ისე მაღალი იყო,საკმაოდ ხანდაზმულ ასაკში გამოეთხოვა წუთისოფელს. (ავტორი გენია.ჯი) მაგალითად,პოეტი და ფილოსოფოსი – ქსენოფანე კოლოფონელმა თითქმის 100 წელიწადს იცოცხლა; დიდმა ძველ ბერძენმა ლირიკოსმა პოეტმა – ანაკრეონტმა 85 წლის ასაკს მიაღწია; ძველი საბერძნეთის ერთ-ერთმა უდიდესმა ლირიკოსმა პოეტმა – პინდარემ 80 წელიწადი იცოცხლა; გენიალურმა ტრაგიკოსმა და დრამატურგმა – სოფოკლემ 91 წლის ასაკში დალია სული; დიდმა ფილოსოფოსმა და ატომიზმის ფუძემდებელმა – დემოკრიტე აბდერელმა 90 წლის ასაკს უწია; გენიალური ფილოსოფოსი – პლატონი 81 წლის ასაკში აღესრულა.აღნიშნული სიის გაგრძელება კვლავაც შესაძლებელია,თუმცა ამჯერად ამით დავკმაყოფილდეთ.როგორც მედიკოსები და სპეციალისტები ირწმუნებიან,ძველბერძენ სწავლულთა ჯანმრთელობასა და სიცოცხლის ხანგრძლივობას მათი ჯანსაღი და სწორად წარმართული ცხოვრების წესი განაპირობებდა. – (ავტორი გენია.ჯი)