“უშვილოთა სჯობს სიკვდილი უკეთურთ შვილთა ყოლასა,

სჯობს მარტოდ ყოფა კაცისა ბოროტთა თან აყოლასა”.

* * *

“დაღმართ არს ცოდვა მოქმედთა,სუბუქად ჩაიტანებსა,

მადლი მძიმეა ამღებთა და ზეცად აღიტანებსა”.

* * *

“გული ნუ გითქვამს მეტს რასმე,რადგან უგუნურთ წესია,

იფქლსა ვეროდეს შეიკრებს,ვის ღვარძლი დაუთესია”.

* * *

“უგბილი თვისსა სიცილზედ ხმას დიდად აღიმაღლებსა,

ბრძენი და მეცნიერენი ღიმილსაც დაიმდაბლებსა”.

* * *

“მეგობარი ბევრი უნდა,თანამზრახი ერთი ოდენ,

საქმეს კარგად გაიმართვენ,თუ ჭკვა ორთავ სწორად რბოდენ”.

* * *

“სიცოცხლე,აგრევ სიკვდილი ხელთა უპყრია ენასა,

სისხლს დაღვრის უბრალოსათა,აჰყვება ვინ შესმენასა”.

* * *

“სოფელი ესე მსგავსია სავაჭრო შესაკრებელსა,

აქ თუ არ ვიღწვით,ვერ ვპოებთ სხვას კეთილთ მოსაკრებელსა”.

* * *

“სოფელს ვაგინებ,მაგრამე მიყვარს და ვერ ვეხსნებია,

ყოფაც მძულს ცრუსთან,ჯერ ხანად გაყრა რა სახსენებია”.