გენიალური ფრანგი მხატვარი და გრაფიკოსი – ეჟენ დელაკრუა (1798-1863 წლები),რომელიც საკუთარ თავს – “ზარმაცს” უწოდებდა და რომელსაც თამბაქოს მოწევა სისუსტისა და აღვირახსნილობის საგნად მიაჩნდა,მიუხედავად მისი დიდებული შემოქმედებისა,გარკვეული პერიოდის განმავლობაში უკიდურეს სიდუხჭირეში ცხოვრობდა. (ავტორი გენია.ჯი) აღნიშნულის შესახებ იგი თავის ერთ-ერთ მეგობარს სწერდა: “არაფერი შეიძლება იყოს იმ მდგომარეობაზე უარესი,როცა არ იცი,როგორ უნდა ისადილო ხვალ; სწორედ ამ მდგომარეობაში ვარ მე”.როგორც ცნობილია,ეჟენი ფანატიკური მოტრფიალე გახლდათ დიდი ფრანგი მხატვრის – თეოდორ ჟერიკოს შემოქმედებისა,რომელიც 1824 წლის 26 იანვარს წარმოუდგენელი წვალების შემდეგ დაიღუპა ცხენიდან გადმოგდების შედეგად მიღებული ტრამვის შედეგად.მიუხედავად იმისა,რომ დელაკრუა უკიდურეს სიღატაკეში ცხოვრობდა,მან მაინც შეძლო გარკვეული თანხის შეგროვება და ერთ-ერთ საჯარო ვაჭრობაზე თავისი კერპი მხატვრის – თეოდორ ჟერიკოს რამდენიმე სურათის ეტიუდი და ასლი შეიძინა.მის მიერ გაღებული თანხა კი იმ პერიოდისათვის მართლაც რომ სოლიდური გახლდათ – 957 ფრანკი.მას შემდგომ ეჟენს ჟერიკოს მიერ შექმნილი სურათები თავის სიცოცხლეში გვერდიდან აღარ მოუცილებია,სამაგიეროდ ბიუჯეტი კარგა ხნით შეერყა ასეთი მოულოდნელი ხარჯის გაღებით. (ავტორი გენია.ჯი)

თეოდორ ჟერიკო