აღარ მინდა ეს ცხოვრება გატანჯული,

მუქ ფერებში არსად მოჩანს ერთი ღიაც,

აღარ მინდა გამომშრალი ნაკადული,

კალაპოტს რომ პირი გვალვით დაუღია…

* * *

აღარ მინდა გაღიმება პირფერული,

გაყოლებენ როცა ლანძღვას ზურგში,გვიან,

აღარ მინდა მე ის ოდა იმერული,

როცა სახლსაც ქრისტიანის აღარ ქვია.

* * *

აღარ მინდა ეკლესია აღდგენილი,

თუკი მრევლი თითზე ჩამოსათვლელია,

გადვიქეცით ერთმანეთის განდეგილი,

ეჰ,გვირაბში არსადაა ნათელი და…

* * *

დავიღალე,უკვე მეტი აღარ მინდა,

ჩაცმულობაც თითქმის გახდა ევროპული,

შენს სამოსზე ზრუნავს ჯორჯო არმანი და

აღარ გინდა ახალუხი ძველმოდური…

* * *

აღარ უნდათ ბავშვებს სექსის გაკვეთილი,

ხომ უყურებ დაგვავიწყდა აი ია,

წავიკითხოთ წიგნი ძველი,გაცვეთილი,

სანამ ჩვენი მომავლები დაგვიცდიან…

* * *

გამრავლდით და გამაგონეთ მენდელსონი,

თორემ უკვე ვლაპარაკობთ მოქართულოდ,

რატომაა რადიოში სულ ჯექსონი?

მომენატრა ქალაქური და ჩაკრულო…

* * *

აღარ მინდა დაგლეჯილი ეს ქვეყანა,

დაკარგული იმიერ და ამიერით,

დამანახეთ მობიბინე პურის ყანა

და მიმღერეთ ჩვენი მრავალჟამიერი…