მურმან ლებანიძე – „ჩემი საქართველო აქ არის”
ქვეყნად გაზაფხულის კვლავაც დამხატველო
ცის რა სულის თქმა ხარ, რა ქარის?
მოდი ალვის ხეებს წელზე მოეხვიე
ჩემი საქართველო აქ არის.
* * *
ჩემო სიამაყევ, ჩემო სადარდელო
ჩემი საქართველო აქ არის,
მეც აქ ჩემი ღამე უნდა გავათენო
ჩემი საქართველო აქ არის…
* * *
ლაღი სარბიელი, ლაღი მთა და მდელო
ლაღი მიმოქცევა ცა შორი,
ახალ თაობათა მოსვლავ სანატრელო
შენ ხარ შუქი ჩემი ჭაღარის.