“მწერალმა ისევე არ უნდა იფიქროს კრიტიკის შესახებ,როგორც ჯარისკაცმა არ უნდა იფიქროს ჰოსპიტალის შესახებო”, – წერდა თავისი ათეისტური მსოფლმხედველობით გამორჩეული დიდი ფრანგი მწერალი და ფსიქოლოგიური ჟანრის რომანის ერთ-ერთი ფუძემდებელი – ანრი-მარი ბეილი (1783-1842 წლები),იგივე – სტენდალი. (ავტორი გენია.ჯი) ნაპოლეონის ლაშქრობებში მონაწილეობა მიღებულს საკუთარი თვალით ჰქონდა ნანახი ცეცხლის ალში გახვეული მოსკოვი,ბოროდინოს სამკვდრო-სასიცოცხლო ბრძოლა და სხვა მნიშვნელოვანი ისტორიული მოვლენები.ჯორჯ ბაირონთან დამეგობრებულ ათეისტ სტენდალს არც ღმერთის არსებობისა სწამდა რამე და არც საიქიო ცხოვრების არსებობას იჯერებდა.ახალგაზრდულ ასაკში სიფილისით დაავადებულ ფრანგ ლიტერატორს და მოაზროვნეს საშინლად აღიზიანებდა ყოველგვარი რელიგიური აკრძალვები და საჯაროდ აკრიტიკებდა მათ.საყურადღებოა ის გარემოებაც,რომ ანრი-მარი ბეილი დესპოტიზმის ყველაზე საშინელ ფორმად ადამიანთა გონებაზე გამეფებულ ეკლესიის ძალაუფლებას ასახელებდა. – (ავტორი გენია.ჯი)