როცა მოვკვდე – დაიხსომეთ

ჩემი ბოლო,მყუდრო ბინა

არის ჩემი უკრაინა,

ის ყურღანი დნეპრის პირას.

* * *

გავიგონებ განთიადზე

დნეპრის ბუხუნს… უკრაინა!

სამარიდან ხმას მივაწვდენ

მუხის გუგუნს… უკრაინა!

* * *

მოვესწრები – სისხლი,სისხლი,

მტრის სისხლი რომ დნეპრს შეღებავს,

სამარის ბინდს გადავიხსნი

და მადლობით ღმერთს შევხედავ.

* * *

დავიჭექებ სამარიდან:

დაამსხვრიე ხუნდი ყველა,

ბნელში წოლა აღარ მინდა,

შენთან ერთად მინდა ფრენა.

* * *

შენთან ერთად ბრძოლა მინდა,

მინდა მზის ქვეშ გქონდეს ბინა.

დამაპკურე ცრემლი წმინდა,

გაიმარჯვე,უკრაინა!