„ადამიანებს ყველაფერს ასწავლიან, პატიოსნების გარდა, თუმცა ისინი ყოველთვის პატიოსნებით იწონებენ თავს და არა განსწავლულობით, ესე იგი, სწორედ იმით, რაც მათთვის არასოდეს უსწავლებიათ”. – (ავტორი გენია.ჯი)

* * *

„საღი აზრის სახესხვაობანი: კაცი, რომელიც საღად მსჯელობს გარკვეული რიგის მოვლენებზე, სისულელეს როშავს, როცა მეორე რიგის მოვლენებს ეხება საქმე”.

* * *

„სიკვდილი უფრო ადვილია, როცა სიკვდილზე არ ფიქრობ, ვიდრე სიკვდილზე ფიქრი, როცა სიკვდილი არ გემუქრება”.

* * *

„ადამიანს, ჩვეულებრივ, ის აზრი უფრო არწმუნებს, რომელიც მას მოსდის თავში, ვიდრე ის,რომელიც სხვის თავში იბადება”.

* * *

„ნუ იტყვიან: „ის მათემატიკოსია”, „ის ქადაგია”, „ის მჭერმეტყველია”, არამედ თქვან: „ის პატიოსანი კაცია”. მე მომწონს მხოლოდ ეს ყოვლისმომცველი თვისება”.

* * *

„სულის ყოველგვარი მოძრაობის წყარო, ერთის მხრივ, ანგარებაა, ხოლო მეორეს მხრივ, – კაცთმოყვარეობა”.

* * *

„შევიცნოთ ჩვენი თავი: მერე რა, თუ ამით ჭეშმარიტებას ვერ შევიცნობთ, სამაგიეროდ, ჩვენს ცხოვრებას მოვაწესრიგებთ, ხოლო რა შეიძლება იყოს ჩვენთვის უფრო მნიშვნელოვანი?” – (ავტორი გენია.ჯი)

* * *

„მთავარია ნიჭი, რომელიც განაპირობებს ყველა დანარჩენს”.

* * *

„ჩვენ ერთი ბეწო რამ გვანუგეშებს, იმიტომ რომ ასეთივე უბადრუკი წვრილმანის გამო ვეძლევით უნუგეშობას”.

* * *

„ყველაზე დიდი პატივი,ყველაზე სანატრელი კეთილდღეობა, რომლის ღირსიც შეიძლება გახდეს მოკვდავი, ამ ქვეყნად, ალბათ მეფის ხვედრია. მაგრამ დააკმაყოფილეთ ყველა მისი ჟინი, შეუსრულეთ ყველა წადილი, გარდა ერთისა: გართობის საშუალება არ მისცეთ მას; დაე, გართობის ნაცვლად თავის თავსა და თავის მოვალეობაზე იფიქროს, და თქვენ ნახავთ, რა ერთბაშად განქარდება მთელი მისი ფუჭი ბედნიერება”. – (ავტორი გენია.ჯი)