იცით თუ არა,რომ

1. სიკვდილის სარეცელზე მყოფმა გენიალურმა ძველ რომაელმა პოეტმა – ვერგილიუსმა ანდერძად დაიბარა,რომ მისი უკვდავი პატრიოტული ეპოსი – „ენეიდა” ავტორის აღსასრულის შემდეგ არ გამოექვეყნებინათ,რადგან იგი ნაწარმოებს დასრულებულად არ მიიჩნევდა.მიუხედავად ვერგილიუსის ანდერძისა,რომის იმპერიის ფუძემდებელი და სახელოვანი იმპერატორის – გაიუს ავგუსტუსის პირადი ბრძანების საფუძველზე „ენეიდა” მაინც გამოიცა. – (ავტორი გენია.ჯი)

* * *

2. სახელოვანი ამერიკელი გამომგონებელი,მეწარმე და „Singer Sewing Machine Company”-ს დამფუძნებელი – ისააკ ზინგერი ხშირად იმეორებდა – „ჩემთვის გამოგონება გახვრეტილი გროშის ფასიც კი არ ღირს.აი,გროშები კი,მართლაც მაინტერესებსო”.

* * *

3. რესპუბლიკის სახალხო არტისტის წოდება,ვისაც იგი საბჭოთა ხელისუფლებამ 1922 წელს პირველს მიანიჭა ქართველ მსახიობთა შორის,ქართული რეალისტური სამსახიობო სკოლის ერთ-ერთი ფუძემდებელი – ვასო აბაშიძე გახლდათ.

* * *

4. „ცოცხლად დამარხული ვარო”, – წუხდა მეფის რუსეთის მთავრობის მიერ ყოველგვარ უფლება აყრილი და ციმბირის კატორღაში შესახლებული გამოჩენილი რუსი ფილოსოფოს-მატერიალისტი – ნიკოლოზ ჩერნიშევსკი.

* * *

5. იაკობ გოგებაშვილის პირველი ნაშრომი – „ანბანი” გამოიცა 1865 წელს,ხოლო ყოველთა ქართველთა სათაყვანებელი წიგნები – „დედა-ენა” და „ბუნების კარი” კი – 1867 წელს. – (ავტორი გენია.ჯი)

* * *

6. ცნობილი ქართველი საზოგადო მოღვაწე,მწერალი და ჟურნალისტი – იაკობ მანსვეტაშვილი თავის მოგონებებში წერდა,რომ ალექსანდრე ყაზბეგი ილია ჭავჭავაძეს დიდად არ სწყალობდა,რის გამოც არც „ივერიის” რედაქციაში,არც ილიასთან სახლში და არც მის კრებებზე არ მიდიოდაო. და როდესაც ვკითხავდი: – სანდრო, „ივერიას” და ილიას რად ერიდები,შორს რად გაურბიხარ-მეთქი, – ასე მიპასუხებდა: – არ მომწონს ილია,მხოლოდ სიტყვის კაცია და არა საქმის.ამათან გულზვიადი ადამიანიაო. – იგონებდა მანსვეტაშვილი.

* * *

7. რკინიგზის საშუალებით თბილისი ბათუმს პირველად 1883 წლის ბოლოს დაუკავშირდა,რადგან სწორედ ამ დროს დასრულდა თბილისსა და ბათუმს შორის სარკინიზო ხაზის მშენებლობა.

* * *

8. ძველმა რომაელებმა მკითხაობის ოთხი ხერხი – ზვარაკის შიგნეულზე, ვარსკვლავებზე, ფრინველებზე და მეხდაცემულ ადგილებზე, – ეტრუსკებისაგან შეითვისეს.

* * *

9. პირველი ქართველი,რომელიც პეტერბურგის უნივერსიტეტის პროფესორად იქნა არჩეული XIX საუკუნის შუა ნახევარში,ქართული ენის პროფესორი – დავით ჩუბინაშვილი (1814-1891 წლები) იყო.

* * *

10. საბჭოთა კავშირის დაშლის შემდგომ,ჩინეთის სახალხო რესპუბლიკის პოლიტიკური ელიტის წარმომადგენლები აცხადებდნენ,რომ მიხეილ გორბაჩოვი გახლდათ იმ ზესახელმწიფოს ლიდერი,რომელმაც თავისი მტრების რჩევები სრულიად გაიზიარაო. – (ავტორი გენია.ჯი)

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

შეგიძლიათ გამოიყენოთ ეს HTML ტეგები და ატრიბუტები: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>