გახსოვდეს ვისი გორისა ხარ!

და თუ არ გახსოვს,

თუ ვეღარ ამჩნევ მამის ნამყენს და დედის ნაქსოვს,

თუ დაგავიწყდა იმ ჩუქურთმის იმ ხატის ფასი,

თუ გააჩუქე წმინდანების ფლოსტიც და ფლასიც -

რიღასთვის იხვეჭ მოსახვეჭელს, რიღასთვის ზრუნავ,

ან ოქრო ვერცხლით ვისთვის ივსებ ბუდეს და ბუნაგს,

ან რატომ უქშევ შენს ვენახში ჩაფრენილ ჩიტებს,

ანდა „სამოთხის გასაღები” და „სულის კლიტე”

რაღად გჭირდება ! -

ცეცხლს მიეცი, წყალს გაატანე,

რომ ბედნიერი იყო მარად, როგორც ტანტალე.