„დღე და ღამ იყავით მთვრალი, იყავით მთვრალი, რომ არ განიცადოთ დროის შეუბრალებელი სიმძიმე, რომელიც გაწევთ მხრებზე და ამის გამო გართხმული ხართ მიწაზე… (იყავით მთვრალი). მაგრამ რით? – ღვინით, პოეზიით, ან სიკეთის სილამაზით, სულერთია, რითაც გინდათ, ოღონდ იყავით მთვრალი. და თუ ხანდახან სახლის საფეხურებზე ან ხეობის მწვანე მოლზე ყრუ მარტოობაში თქვენი არსებობისა – ერთი წამით გამოფხიზლდებით და შეამჩნევთ, რომ სიმთვრალე ნელდება ან სულაც ქრება, – ჰკითხეთ ქარს, ტალღებს, ვარსკვლავებს, ფრინველებს, საათებს – ყველაფერს, რაც ფრენს, კვნესის, მიჰქრის, მღერის ან ლაპარაკობს, – ჰკითხეთ,რომელი საათია? – და… ქარი, ტალღა, ვარსკვლავი, ფრინველი თუ საათი გიპასუხებთ:

- თრობის საათია.

მაშ, იყავით მთვრალი, რომ არ იქცეთ დროის მონებად… იყავით მთვრალი განუწყვეტლივ – ღვინით, პოეზიით, სილამაზით თუ რითაც გნებავთ…” – (ავტორი გენია.ჯი)