იცით თუ არა,რომ?!

1. დიდი ქართველი მწერალი – კონსტანტინე ლორთქიფანიძე, რომლისთვისაც დამახასიათებელი იყო ერთობ ახირებული ხასიათი, რატომღაც ძალიან ერიდებოდა სურათის გადაღებას. ამბობენ,რომ ამ შესანიშნავ ქართველ ლიტერატორს ერთადერთხელ გადაუღეს სურათი და ისიც დიდი გაჭირვებით, მოტყუებითა და მიპარვითო. – (ავტორი გენია.ჯი)

* * *

2. ბიზანტიის ლეგენდად ქცეული იმპერატორი – იუსტინიანე I, თავის „უღირსეულეს და ღვთივბოძებულ მეუღლეს” – თეოდორას, სიყვარულით – „უნაზეს ხიბლს” უწოდებდა.

* * *

3. აღმოსავლეთ რომის იმპერიის იმპერატორი – თეოდოსიუს II უმცროსი, თავისი დროის უდიდეს ნაწილს ხატვაში, ხელნაწერების დასურათებასა და გადაწერაში ატარებდა, რის გამოც მას მეტსახელად – „კალიგრაფი” შეარქვეს.

* * *

4. აღორძინების ეპოქის ერთ-ერთი უდიდესი მედიკოსი – თეოფრასტუს პარაცელსი – ვერცხლისწყლის, სპილენძის, დარიშხანისა და ანთიმონის ელემენტთა ნაერთებს ადამიანების გასნაკურნებლად იყენებდა.

* * *

5. რომის პირველი პაპი, რომელიც ბიზანტიის იმპერიის დედაქალაქ კონსტანტინოპოლს 525 წელს ეწვია, – იოანე I იყო. – (ავტორი გენია.ჯი)

* * *

6 „მათემატიკა იმდენად სერიოზულია, რომ ხელიდან არ უნდა გავუშვათ შემთხვევა, სახალისო გავხადოთ იგიო”, – ამბობდა გენიალური ფრანგი მათემატიკოსი – ბლეზ პასკალი.

* * *

7. დიდ ქართველ მგოსანს – აკაკი წერეთელს, 1908 წელს გამართულ იუბილეზე გიმნაზიელებმა მერვე კლასის მოსწავლის მიერ დახატული პორტრეტი უსახსოვრეს. თავის მხრივ, აკაკის პორტრეტის მერვე კლასელი ავტორი დიდი ქართველი მხატვარი – დავით კაკაბაძე იყო. ცნობისათვის, აღნიშნული სურათის უკანა მხარეს მოთავსებული გახლდათ გენიალური ქართველი ენათმეცნიერის – აკაკი შანიძის ლექსი.

* * *

8. ასურეთისა და ეგვიპტის სახელგანთქმული დედოფლები – სემირამიდა და კლეოპატრა, განსაკუთრებით ეთაყვანებოდნენ ისეთ ძვირფას მინერალურ ქვას, როგორიც გახლავთ – მარგალიტი.

* * *

9. სამეგრელოს მთარების საზამთრო რეზიდენციად ზუგდიდი იყო ქცეული, ხოლო საზაფხულო რეზიდენციად კი, თანამედროვე პერიოდის ხონის მუნიციპალიტეტში, ცხენისწყლის მარჯვენა სანაპიროზე განთავსებული ულამაზესი სოფელი – გორდი.

* * *

10. „მშვიდობით… დადგა აღსასრული! წადით სახლში!” – ეს იყო მეგობრების მიმართ წარმოთქმული უკანასკნელი სიტყვები ცნობილი რუსი პუბლიცისტისა და ლიტერატურული კრიტიკოსის – ნიკოლოზ დობროლიუბოვისა. – (ავტორი გენია.ჯი)

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

შეგიძლიათ გამოიყენოთ ეს HTML ტეგები და ატრიბუტები: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>