იცით თუ არა, რომ?!

1. ძვ.წ.აღ-ით V საუკუნეში მოღვაწე „მიზანთროპად” (კაცთმოძულედ) წოდებული ძველ ბერძენი ფილოსოფოსი – ტომონ ათენელი, იმდენად აღუშფოთებია ადამიანის მიერ გამოჩენილ სიმდაბლესა და გადაგვარებას, რომ საბოლოოდ შეზიზღებია ადამიანი, განმარტოვებულა და ხმის გაცემის ღირსად არავინ აღარ ჩაუთვლია. - (ავტორი გენია.ჯი)

* * *

2. დიდ ქართველ პოეტს – პაოლო იაშვილს თავის სიცოცხლეში საკუთარი ლექსების წიგნი არ გამოუცია და ამის უმთავრეს მიზეზად ასახელებენ იმ გარემოებას, რომ პოეტი განსაკუთრებული სიმკაცრით ეპყრობოდა თავის შემოქმედებასო.

* * *

3. გერმანიის ფაშისტურმა ხელისუფლებამ ქვეყნიდან გაქცეული ალბერტ აინშტაინის დამკავებლებს ჯილდოდ 50 000 მარკა აღუთქვა.

* * *

4. გამოჩენილ ქართველ მწერალსა და პუბლიცისტს – იონა მეუნარგიას – „ქართველი მწერლების პლუტარქედ” მოიხსენიებენ დღემდე.

* * *

5. აკაკი წერეთლის მიერ „გენერლების მწერლად” წოდებული სახელგანთქმული ქართველი პოეტის – გრიგოლო ორბელიანის დფაკრძალვას 60 000-ზე მეტი ადამიანი დაესწრო. – (ავტორი გენია.ჯი)

* * *

6. საფრანგეთში შეჭრიდან სულ რაღაც ოცდათოთხმეტი დღის შემდეგ, 1940 წლის 14 ივლისს, გერმანელ ფაშისტთა ჯარები პარიზში შევიდნენ.

* * *

7. საფრანგეთის დირექტორიის პერიოდში (1795-1799 წლები) „შოფრებად” მოიხსენიებდნენ დეზერტირებისგან შემდგარ იმ ავაზაკთა ჯგუფს, რომელიც მდიდარ მგზავრებს გზაში იჭერდა და აიძულებდა ამა თუ იმ საშუალებით გამოსასყიდი თანხა გადაეხადა მათ ოჯახებს.

* * *

8. საფრანგეთის დიდი რევოლუციის ერთ-ერთ ლიდერს – ჟორჟ ჟაკ დანტონს ბრალად ედებოდა მეფის გვირგვინიდან ალმასების მოპარვა, რაც საბოლოო ჯამში ყალბი ბრალდება აღმოჩნდა (ცნობილია,რომ ამ ცილისმწამებლური ინფორმაციის გავრცელების უკან ჟირონდისტები იდგნენ).

* * *

9. მეათე საუკუნის უდიდესი ქართველი საეკლესიო მოღვაწე, ჰიმნოგრაფი და მთარგმნელი – იოანე მტბევარი – იესო ქრისტეს – „დაუღამებელ მზედ” მოიხსენიებდა.

* * *

10. „იტალია თაღლითების, ავანტურისტების ქვეყანაა, იგი შობს მხოლოდ არეტინოს, კაზანოვას, კალიოსტროსა და სხვა მისთანებსო”, – ხშირად იმეორებდა სახელგანთქმული რუსი მწერალი – ლევ ტოლსტოი. – (ავტორი გენია.ჯი)

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

შეგიძლიათ გამოიყენოთ ეს HTML ტეგები და ატრიბუტები: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>