გენიალურმა ინგლისელმა ფიზიკოსმა და „მსოფლიო მიზიდულობის კანონის” ავტორმა - სერ ისააკ ნიუტონმა (1642-1727 წლები) 20 წლის ასაკში ყოფნის ჟამს მეცნიერებისა და რელიგიის სიღრმისეულად შესწავლას მიჰყო ხელი. (ავტორი გენია.ჯი) „ნატურალური ფილოსოფიის მათემატიკური საწყისების” შემოქმედი სწავლული სხვადასხვა რელიგიურ წიგნებთან ერთად სათანადოდ გაეცნო წმინდა წიგნს – „ბიბლიას”. ყველაზე მეტად, რამაც „ბიბლიაში” იგი დააინტერესა – „ადამიანური ცოდვები” იყო. მისი ინტერესი აღნიშნული საკითხის ირგვლივ იმდენად მაღალი იყო, რომ ახალგაზრდა ფიზიკოსმა საკუთარი ხელით შეადგინა თავისი ცხოვრების გზაზე ჩადენილი ცოდვების სრული ნუსხა. როგორც აღმოჩნდა, იმ პერიოდისათვის ნიუტონს 50 ცოდვა ჰქონია ჩადენილი. მათ შორის ისეთი ცოდვები, როგორებიცაა – ამპარტავნობა, ადამიანის დაცინვა, ამორალურობა და ასე შემდეგ. – (ავტორი გენია.ჯი)