1. ვაჟა-ფშაველას მამის – პავლე რაზიკაშვილის მიერ შექმნილ რაზიკაანთ საგვარეულო გერბზე შემდეგი სიტყვები იყო დატანილი: „არ ვარგა კაცი, რომლის არც ვინ გაჩენა გაიგო და არც ვინ სიკვდილი!” – (ავტორი გენია.ჯი)

* * *

2. დიდი ფრანგი პოეტი, დრამატურგი და პროზაიკოსი – თეოფილ გოტიე მიიჩნევდა, რომ ყველაზე საინტერესო წიგნი საკითხავად – ლექსიკონი გახლდათ.

* * *

3. მას შემდეგ, რაც 1801 წელს რუსი გენერლის – ივანე ლაზარევის ეგერთა ბატალიონმა სამხედრო ორკესტრის თანხლების გრიალით ჩაიარა თბილისის ქუჩებში, ფრანგ მისიონერს – პატრ ნიკოლასს მრავალმნიშვნელოვნად განუცხადებია – „ბარაბნითა და მუსიკით კვდება საქართველოო”.

* * *

4. „მთის არწივად” წოდებულ ვაჟა-ფშაველას სასაცილოდ არ ჰყოფნიდა სახელგანთქმული გერმანელი ფილოსოფოსის – ფრიდრიხ ნიცშეს ფილოსოფიური მსჯელობანი, რის გამოც მას – „ნაცარქექიად” მოიხსენიებდა.

* * *

* * *

6. ჩინური ლიტერატურის უძველეს ძეგლად მიჩნეულია ხალხური სიმღერებისა და საკულტო ჰიმნების კრებული, სახელწოდებით – „შიძინი”, ანუ – „სიმღერების წიგნი”. იგი შექმნილი იქნა ძვ.წ.აღ-ით 1200 წლიდან – ძვ.წ.აღ.ით 600 წლებამდე პერიოდებში.

* * *

7. XX საუკუნის დასაწყისის ერთ-ერთ ყველაზე მაღალანაზღაურებად მწერლად დიდი შოტლანდიელი მწერალი – სერ არტურ კონან დოილი მიიჩნეოდა.

* * *

8. ვალებში ჩაფლულმა თედორე დოსტოევსკიმ თავისი სახელგანთქმული რომანი – „მოთამაშე”, სულ რაღაც 26 დღეში დაწერა 1867 წელს. სრულყოფილი ლიტერატურული ქმნილების ასეთ მცირე დროში დაწერის ერთადერთ მიზანს სწორედ რომ ავტორის მიერ გასატუმრებელი ვალები წარმოადგენდა.

* * *

9. 1967 წლიდან მოყოლებული, ფინეთის რესპუბლიკის „ეროვნულ ყვავილად” – შროშანი იქნა აღიარებული. ევროს შემოღებამდე ეს ულამაზესი ყვავილები ფინურ მონეტებზე იყო გამოსახული.

* * *

10. რაოდენ საკვირველიც არ უნდა იყოს, ფაქტია, რომ ბულგარეთის დედაქალაქ სოფიაში არც ერთი ქალის ძეგლი არ არის აღმართული. – (ავტორი გენია.ჯი)