ივანე აივაზოვსკი – „ეპიზოდი”
არის ცნობები იმის შესახებ, რომ სომხური წარმომავლობის მქონე სახელოვანი რუსი მხატვარ-მარინიტი – ივანე აივაზოვსკი (1817-1900 წლები) ერთობ მწყრალად იყო განწყობილი წიგნების წაკითხვის მიმართ. (ავტორი გენია.ჯი) იგი არა მხოლოდ უცნობი ავტორების მიერ შეთხზულ ლიტერატურულ ნაწარმოებებს არ კითხულობდა არასდროს, არამედ მისი უახლოესი მეგობრის, გენიალური რუსი მწერლის – ნიკოლოზ გოგოლის შემოქმედებასაც კი არ ავლებდა ხოლმე თვალს. იმ მეგობრისა, რომლის საცხოვრებელ სახლსაც აივაზოვსკი მოფერებით – „ჩემს კელიას” უწოდებდა. ყირიმში ყოფნის ჟამს მხატვარი ანტონ ჩეხოვს გაეცნო. მისი გადმოცემის თანახმად, ყოველ ჯერზე, როდესაც ივანეს რაიმე წიგნის წაკითხვას ურჩევდნენ მეგობრები, წიგნის მოძულე ხელოვანის პასუხი ასეთი იყო: „რაში მჭირდება წიგნების კითხვა, როდესაც მე ჩემი, საკუთარი აზრი გამაჩნია?” – (ავტორი გენია.ჯი)