„ძალზე ძნელია ზუსტი სახელი მოუნახო ქალისა და კაცის ურთიერთსწრაფვას. სულიერი განწყობა და ფიზიკური ნდომა თავდაპირველად ისეა ერთმანეთში გადახლართული, რომ ვერ გაიგებ რა ამოძრავებს ადამიანს და რომელია პირველადი: ცხოველური ინსტიქტი, საკუთარი ყოფის მოგვარების გაუაზრებელი პრაქტიკული სურვილი თუ უანგარო სწრაფვა მშვენიერებისაკენ? შეიძლება ამ საკითხზე მსჯელობისას მაღალფარდოვნება ცოტა უხერხულიც კი იყოს, რადგან ამგვარი მისწრაფება ყოფიერების ფორმაა, და მშვენიერებაზე ლაპარაკი აქ არაფერ შუაშია?”