„გათავებული ამბავია, უნდა წავართვა! აქ ხომ ერთმანეთს გლეჯენ და ართმევენ ყველაფერს; ყველაფერი მიაქვთ, რაზედაც კი ხელი მიუწვდებათ. საქმე მორევაზეა. თუ ერევი, უნდა წაართვა კიდეც; რისი წაღებაც შეიძლება, უნდა წაიღო; რისი წაგლეჯაც შეიძლება, უნდა წაგლიჯო. ხელში თუ არაფერი უჭირავს, თავზე თუ არაფერი ახურავს, უადგილო ადგილას მიკერებული ღილი მაინც უნდა ააწყვიტო; უნდა ცემო, უნდა გალახო, უნდა ატირო, აბღავლო, აღრიალო. ძლიერი სუსტს ჩაგრავს, ღონიერი – უღონოს. დედამიწაზე „ჯუნგლის კანონია” გამეფებული, ბატონებო, „ჯუნგლის კანონი!”