რომის ლეგენდად ქცეული იმპერატორის - გაიუს იულიუს კეისრის (ძვ.წ.აღ-ით 100-44 წლები) მიერ წარმოებული მრავალრიცხოვანი სასიყვარულო რომანების შესახებ ხალხში ლეგენდები დადიოდა. (ავტორი გენია.ჯი) შესაბამისად, ამ შესანიშნავი მხედართმთავრის, ძალიან გონიერი პოლიტიკოსის, ცბიერი ინტრიგანისა და ძლიერი მმართველის განსაკუთრებული ლტოლვა მშვენიერი მანდილოსნების მიმართ შეუმჩნეველი არ დარჩენიათ არც კეისრის დაქვემდებარებაში მყოფ რომაელ ლეგიონერებს. ისინი იყვნენ მომსწრენი იმისა, თუ როგორ ცდილობდა ლამაზი ქალების შეტყუებას ყოველ ჯერზე თავის საძინებელში იულიუსი. ამიტომაც შეითხზა მომხიბლავ ქალებზე მონადირე გაიუსის შესახებ მრავლისმეტყველი და იმ პერიოდისათვის ერთობ პოპულარული სიმღერა. სიმღერა, რომელსაც ლაშქრობაში მიმავალი კეისრის ლეგიონერები მიიმღეროდნენ გზაზე… და სიმღერა, რომელშიაც შემდეგი სიტყვები იყო მოყვანილი: „გადამალეთ ცოლები, ჩვენ მოგვიძღვება მელოტი მექალთანე!”. – (ავტორი გენია.ჯი)